web counter
LEXO PA REKLAMA!

SHKARKO APP

App Store
Google Play

PD kërkesë KQZ/ T’i hiqet mandati kryebashkiakut të Matit, Agron Malaj

12 Qershor 2020, 09:54, Politikë CNA

Partia Demokratike i ka drejtuar një kërkesë Komisionit Qendror të Zgjedhjeve, ku kërkon t?i hiqet mandati kryebashkiakut të Matit, Agron Malaj.

Mësohet se PD ka vënë në dijeni për kërkesën drejtuar KQZ-së, edhe ambasadorët e  SHBA dhe BE.

?Nga rezultatet  verifikimit të Prokurorisë së Përgjithshme rezulton se shtetasi Agron Rufat Malaj, është i dënuar me 10 muaj burgim me vendimin nr. 57, datë 07.10.1999, të Gjykatës së Rrethit Mat, për veprën penale të parashikuar nga neni 278/2 i Kodit Penal të kohës (faqe 9 e vendimit të prokurorisë). Në analizë të veprimit kriminal të parashikuar nga ligji si vepër penale, për efekt të zbatimit të ligjit të dekriminalizimit, Prokuroria e Përgjithshme ka arritur në konkluzionin se: ?4.3.3. Në respekt të pretendimit të kërkuesve, lidhur me faktin kriminal për të cilin është deklaruar fajtor e dënuar subjekti Agron Malaj……për një interpretim ligjor të drejtë, vlerësojmë se për të marrë kuptim argumenti, duhet të përmendet ligji i kohës dhe ai aktual…….. aktualisht, me ndryshimet e fudnit ligjore, fakti penal parashikohet nga paragrafi i pestë i Kodit Penal.? (faqe 5 e vendimit të prokurorisë).

Sipas ligjit nr. 138/2015 dhe vendimit të Kuvendit të Shqipërisë nr. 17/2016 ?Për përcaktimin e rregullave të detajuara mbi zbatimin e ndalimeve të parashikuara në ligjin nr. 138/2015 ?Për garantimin e integritetit të personave që zgjidhen, emërohen ose ushtrojnë funksione publike?, ky dënim përbën shkak për ndalimin e ushtrimit të funksioneve publike. Subjekti Agron Malaj, ndodhet në kushtet e ndalimit për të kandiduar dhe për t?u zgjedhur në një funksion të lartë publik, në kuptim të shkronjës ?a? të nenit 2 të ligjit nr. 138/2015 dhe vendimit të Kuvendit nr. 17/2016.?-thuhet ndër të tjera në letrën e PD./ CNA.al





Lajmet e fundit nga