web counter
LEXO PA REKLAMA!

SHKARKO APP

App Store
Google Play

E fundit!

x

“Edhe festat i kanë në një ditë”/ Astrit Patozi ironizon Ramën dhe Bashën: Qenka ditë e madhe për të gjithë kombin

12 Qershor 2020, 10:45, Politikë CNA

Koordinatori i Bindjes Demokratike, Astrit Patozi ka ironizuar kreun e PD-së, Lulzim Basha dhe kryeministrin Edi Rama, për të cilët thotë se edhe festat i kanë në një ditë.

Në një postim në rrjetet sociale, ndërsa i referohet ditëlindjes së Bashës dhe përvjetorit të PS-së, Patozi me ironi shkruan se sot qenka ditë e madhe për të gjithë kombin.

?Sot qenka ditë e madhe për të gjithë kombin. Të majtët festokan përvjetorin e Partisë Socialiste, ndërsa të djathtët ditëlindjen e Lulzim Bashës.
Të dy palët bëjnë sikur nuk e dinë, sepse nga Partia Socialiste ka mbetur vetëm kujtimi i Dritëro Agollit, ngaqë Edi Rama e ka shndërruar prej kohësh në ?Rilindje? forcën poltike, që trashëgoi prej Fatos Nanos. Por të majtëve kjo nuk besoj se u bie shumë rëndë, sepse e njëjta gjë ndodhi edhe kur ndryshuan emrin e Partisë së Punës më 1991-shin.
Ndërsa në kampin tjetër, e ka marrë vesh edhe më trushkuluri se, në vend të një partie të madhe, që ndër të tjera përmbysi komunizmin, tani ka mbetur vetëm kryetari. Dhe i bie që secili të festojë atë që i ka mbetur.
Ndaj edhe gëzuar ditëlindjen të dyja partive, të cilat edhe rastësia i ka ndihmuar shumë që sot të duken njësoj. Tamam siç janë realisht, në fakt.?-shkruan Astrit Patozi.





Lajmet e fundit nga