E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Si u vu KLGJ në shërbim të Metës!

11 Qershor 2020, 18:53, Politikë CNA

Sot KLGJ ka dalë me një vendim nga i cili konstatohet përfundimi i mandatit të Adrian Dvoranit në gjykatën e lartë. Që mandati i Dvoranit në gjykatën e lartë ishte i ndotur, CNA.al e ka denoncuar prej kohësh.

Ekzagjerimi dhe durimi i stërzgjatur i Dvoranit flet qartë për karakterin personal të këtij gjyqtari, por përtej kësaj analiza ajo që duhet të analizohet sot është jo vetëm Dvorani. Ilir Meta nuk legjitimohej që të vinte në levizje KLGJ-në as nga kolltuku i qytetarit e as nga ai i kryetarit të Shtetit.

Ai me gjasë mori përsipër të verë në levizje KLGJ-në pas një pakti me tre anëtarët e rinj të Gjykatës së Lartë. Për ata që nuk e dinë: vakancat në gjykatën e Lartë konstatohen dhe deklarohen nga vetë kjo Gjykatë. Atehere pse Meta nuk ju drejtua të sapo dekretuarve prej tij, që ata të konstatonin vakancën për karrigen e Dvoranit?

Pse këta të tre: Sadushi, Panda dhe Blushi, pas gjithë gjullurdisë jo vetëm mediatike për rastin Dvorani, nuk vepruan të konstatonin vakancën për karrigen e Dvoranit?

Nuk dinin?

Nuk donin?

Nuk mundeshin?

Apo ju tha: Mos u merrni ju se e zgjidhim ndryshe?

Këto ne nuk mund t?i dimë.

Ajo që sot është e qartë, pasi KLGJ, që ka trecerekun e funksioneve të veta të parealizuara, u mor me hir e me pahir me rastin Dvorani, është që KLGJ sot u urdhërua nga dhe për llogari të Ilir Metës.

Dhe kjo është me keq sesa një Dvoran me mandat të harruar në Gjykatën e Lartë.

Kjo është këmbana e alarmit për veshët e ambasadorëve të reformave të medha që nuk reshtin se deklaruari fitoret e shqiptarëve.

Sot nuk iku Dvorani.

Sot u shpall kapja e KLGJ nga Meta.

Organi i freskët i drejtësisë së re, që u përdor si masha në dorën e Metës, meqë 3 anëtarët e Gjykatës së Lartë nuk u përfshinë dot në nxjerrjen e gështenjës me duart e tyre.

Ta gëzojnë shqiptarët drejtesinë e re!/CNA.al