web counter
LEXO PA REKLAMA!

SHKARKO APP

App Store
Google Play

“Doni të emëroni këshilltarin e Xhaçkës”/ Debate të forta mes Ruçit dhe ish-kryetares së komisionit të Medias për kreun e AMA-s

11 Qershor 2020, 12:44, Politikë CNA

Mbledhja me dyer të mbyllura e konferences së kryetarëve është shoqëruar me debate të forta mes kreut të Kuvendit, Gramoz Ruçi dhe  ish-kryetares së Komisionit të Medias, Fatjona Dhimitri, e cila u zëvendësua në detyrë nga Ramazan Gjuzi, deputet i opozitës parlamentare.

Shkak për debatet mësohet të jetë bërë fakti se deputetja e opozitës parlamentare, pretendon se largimi i saj nga ky post është bërë pasi kishte bllokuar emërimin e kryetarit të ri të AMA-s.

Sipas saj, mazhoranca kërkon të emërojë në krye të AMA-s, këshilltarin ligjor të Olta Xhaçkës, djalin e Piro Mishës.

?Unë kam bllokuar komisionin për sa i përket procedurës së përzgjedhjes së kryetarit të AMA-s. Po cilin kryetar të AMA-s kërkoni të përzgjidhni ju, zoti Kryetar, së bashku me ju, anëtarë të Konferencës së Kryetarëve, djalin e Pirro Mishës, këshilltarët ligjorë të Olta Xhaçkës, pjesëtarë të partive politike?! Çfarë doni ta ktheni AMA-n? Në gjyq?! Doni të vendosni regjimin absolut mbi mediet?! Doni të vendosni censurën mbi mediet?!?, thekson Dhimitri, e cila ka thënë se kjo do ishte seanca e fundit e pranishme në mbledhjen e Konferencës së Krytarëve.

Ndërkohë që Gramoz Ruçi e ka quajtur këtë reagim të demokrates si ?nxjerrje dufi?.

?Partia juaj po mundohet të më mbyllë gojën mua dhe pikërisht këtë po e vendos edhe përmes shkarkimit tim. Çfarë dufi, zoti Kryetar?! Dufin po e nxirrni ju, dufin po e nxjerr partia juaj me mua, duke urdhëruar shkarkimin tim; po, shkarkimin tim për të më mbyllur gojën mua për thënien e të vërtetave?, ka theksuar ajo.





Lajmet e fundit nga