E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

“Ka nisur tatëpjeta për shkaktarët e krizës”/ Patozi zbulon pse e firmosi Basha marrëveshjen

11 Qershor 2020, 15:02, Politikë CNA

Koordinatori i Bindjes Demokratike Astrit Patozi ka komentuar sërish marrëveshjen e kryeministrit Edi Rama me kryetarin e opozitës Lulzim Basha, për Reformën Zgjedhore.

Patozi tha se kjo marrrëveshje nuk sjell asgjë të mirë dhe se bën të mundur që sulltanati dhe kryetarokracia të jenë edhe për 5 vite të tjera në Shqipëri.

?Për të shpjeguar tamam se çfarë është, mjafton fakti që PS e konsideron marrëveshje, ndërkombëtarët reformë dhe Lulzim Basha e konsideron dakordësim. Të tre palët duket se e pranojnë që ajo është një asgjë, është në vend numëro. Është një status quo që nuk sjell asgjë të mirë për Shqipërinë dhe thjesht dhe vetëm provon atë që ne e kemi parashikuar më përpara, kur kemi thënë se pengmarrësit që kanë shkaktuar krizën, duan që asgjë të mos ndryshojë në këtë vend, që sulltanati dhe kryetarokraica në Shqipëri të ketë edhe 5 vite të tjera?, u shpreh ai në një prononcim për Abc News.

Teksa u pyet për deklaratën e Ramës se e kishte nënshkruar marrëveshjen për të mirën e PD-së, politikani theksoi se PD u rikthye në sistem se ngeli si peshku në zallë dhe jo për shkak të PS-së.

?Futja e PD-së në sistem është një lajm i mirë, por që nuk është meritë e PS-së sa është nevoja e PD për tu rikthyer te shtëpia e vet, te sistemi. Ëndrra e Revolucionit është një gjë e parealizueshme dhe e pazbatueshme, jo vetëm në kushtet e Shqipërisë por edhe më gjerë. PD u rikthye në sistem se e pa që ngeli si peshku në zallë duke bojkotuar për institucionet.

Shqetësimi ynë është që Shqipëria, me ruajtjen e sistemit të kalbur aktual, bën hapa pas dhe dritë në fund të tunelit nuk shikohet. Kërkojmë lista të hapura se është e vetmja mënyrë për të zbutur arrogancën, padrejtësinë dhe abuzimin me pushtetin që jep si privilegj ky sistem politik. Ne duam që kryetari i partive, kryeministri i ardhshëm dhe të gjithë kryetarët e partive, të kenë më pak pushtet dhe më pak mundësi për të abuzuar dhe kjo mund të ndodhë vetëm në rast se shqiptarët do votojnë edhe për emra, edhe për përfaqësuesit e tyre dhe nuk do votojnë vetëm për kryetarët e partive dhe për listat e tyre?, nënvizoi kreu i BD-së.

Sipas tij, tashmë ka nisur tatëpjeta për shkaktarët e krizës, edhe pse duan ta mbajnë të shtrënguar për fyti Shqipërinë.

?Nuk shoh asgjë pozitive. Është një çerek hapi para çështja e regjistrimit biometrik. Nëse PD është e kënaqur që ka marrë edhe supervizimin e tenderit të asaj fushe, sigurisht që është humë banale. PD sipas meje duhet të këmbëngulte për hapjen e sistemit politik. Nëse opozita do krijonte një frymë, nuk ka qeveri… edhe Enver Hoxha të ngrihej nga varri, nuk e mbante dot atë valën që shkakton fryma e njerëzve që duan ndryshimin në Shqipëri. PD dhet të bëhet lokomotiva e ndryshimit. PD për fat të keq jo vetëm që s?e bën, por është ajo që e mban peng çdo hap që mund të bëhet drejt ndryshimit. PD po kërkon vetëm rotacion. Njerëzit presin ndryshimin përmes rotacionit dhe unë kam përshtypjen se po të kërkosh vetëm rotacionin i humbet të dyja. Nëse t?i i kërkon të dyja, mund të bësh edhe ndryshimin, edhe rotacionin./ CNA.al