web counter
LEXO PA REKLAMA!

SHKARKO APP

App Store
Google Play

E fundit!

x

"Liria e shprehjes është dhunuar!"/ Tre eurodeputetë i drejtohen Komisionit Europian për shembjen e Teatrit

11 Qershor 2020, 15:29, Politikë CNA

Tre deputetë të Parlamentit Europian i janë drejtuar Komisionit Europian lidhur me shembjen e Teatrit Kombëtar në Shqipëri.

Eurodeputetët e grupimit parlamentar të Partisë Popullore Europiane, Lidia Pereira (EPP), Maria da Graça Carvalho (EPP), Claudia Monteiro de Aguiar (EPP), pretendojnë se autoritetet shqiptarë kanë dhunuar lirinë e shprehjes me arrestimin e artistëve, politikanëve dhe gazetarëve.

Ata i kërkojnë KE-së të dinë se çfarë impakti ka shembja e Teatrit Kombëtar për negociatat.

?Bashkimi Europian ka një politikë fqinjësie të rrënjosur në bashkëpunimin politik, mbështetjen për zhvillimin ekonomik e social dhe mbrojtjen e vlerave që përkufizojnë projektin europian. Siç u pa edhe tek samiti i BE dhe Ballkanit Perëndimor në 6 Maj (e cila rezultoi në një paketë ndihme prej 3 miliard eurosh), afrimiteti mes BE dhe Ballkanit Perëndimor është një shembull shumë i mirë i kësaj politike, e cila përfshin 6 vende kandidate bashkë me Shqipërinë.

Në 17 Maj, autoritetet shqiptare shkatërruan Teatrin Kombëtar në Tiranë, një ndërtesë e vlerësuar nga Europa Nostra si një prej shtatë monumenteve më të rrezikuara në Europë. Shembja e ndërtesës u dënua nga Presidenti i Shqipërisë dhe nga shumë institucione shqiptare dhe europiane. Forcat shqiptare të sigurisë arrestuan me dhjetëra protestues, gjatë shembjes, përfshirë këtu edhe figura politike, gazetarë dhe aktivistë. Liria e shprehjes është një prej shtyllave të demokracisë dhe sundimit të ligjit. Këto liri janë dhunuar.

A mund të përgjigjet Komisioni Europian për:
1 ? A është Komisioni në dijeni për mënyrën se si janë arrestuar protestuesit?
2 ? Çfarë impakti pret Komisioni që të ketë ky veprim mbi politikën e fqinjësisë shqiptare dhe hapjen e negociatave??, deklarojnë eurodeputetët./ CNA.al





Lajmet e fundit nga