web counter
LEXO PA REKLAMA!

SHKARKO APP

App Store
Google Play

Kupa e Shqipërisë, ja 4 sfidat e fazës çerekfinale që do të zhvillohen sot

11 Qershor 2020, 09:12, Sport CNA

Pas dy javëve kampionat, tashmë radhën për të ristartuar pas ndërprerjes e ka Kupa e Shqipërisë. Ky kompeticion luan sot ndeshjet e para çerekfinale, teksa rezervon disa përballje interesante. Kështu, Bylis që është edhe një nga skuadrat që pretendon triumfin final, pret në shtëpi Skënderbeun. Ballshiotët morën fitoren e parë për vitin 2020 në ndeshjen e fundit të kampionatit dhe shpresojnë që periudhën negative ta kenë hedhur pas krahëve.

Ndërkohë, në kampin korçar ka një tjetër atmosferë, duke qenë se të besuarit e trajnerit Ilir Daja po fitojnë rregullisht. Sakaq, një tjetër sfidë interesante është ajo me Vllaznisë dhe Teutës. Të dyja skuadrat e shohin Kupën si një objektiv sezonal, në mënyrë që të kualifikohen edhe në Kupat e Europës. Ndërkaq, dy ndeshjet e tjera të Kupës në ditën e sotme janë ato mes Tiranës dhe Besëlidhjes dhe Apolonia me Kukësin.

Bardheblutë e kanë mendjen te titulli kampion në këtë sezon, por e kanë për detyrë të luftojnë në të dyja frontet, ndërsa lezhjanët duhen të kenë të gjithë vëmendjen e bardhebluve pasi në turin e kaluar ia dolën të mposhtnin Partizanin. Nga ana tjetër, për Kukësin, Kupa mund të jetë një shpëtim për sezonin duke qenë se titulli kampion tashmë nuk është më në këmbët e tyre.

Ndeshjet:

17:00 Tirana-Besëlidhja

17:00 Vllaznia-Teuta

17:00 Apolonia-Kukësi

17:00 Bylis-Skënderbeu





Lajmet e fundit nga