E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

"Kukësi mbahet për mundësa", Ruçi dhe Kola befasojnë me rrëfimin: Futbollistët sot futen në fushë sikur kanë dalë nga lavatriçja

10 Qershor 2020, 12:30, Sport CNA

Dy legjenda të cilët i kanë dhënë shumë futbollit shqiptar si Vasil Ruci dhe Agustin Kola kanë komentuar zbritjen një kategori më poshtë të Flamurtarit. Vlonjatët nuk është se nuk e prisnin një verdikt të tillë, por këtë javë matematika i nxorri përfundimisht nga gara. Sakaq, për Fax Web Ruci shprehet se ngritja do jetë e vështirë, ndërsa Kola thekson se Flamurtari ka mposhtur Partizanin e Beogradit duke mos harruar se në kohën kur ata kanë qenë futbollistë ishin profesionistë dhe stërviteshin dy herë në ditë. Ndërkohë, Kolës i vjen keq edhe për fatin që kanë pësuar ekipet e traditës në këto sezonet e fundit.

Ruci- ?E përmbledhur në dy fjalë, Flamurtari ka qenë për mua manastir dhe të gjithë ata që kanë qenë pjesë kanë qenë shkruan historinë e tyre. Sot, ky manastir u shemb. Me pak humor dhe një anekdotë do i përmbledh të gjitha. Nxitonte njëherë milingona dhe e pyet elefantin: ?Ku po shkon??. Do vete për dhuruar gjak. Kaq! Nuk dua të bëj fajtor askënd, mjaftohem me faktin që qyteti humbi shumë. Disa thonë që ka rënë edhe njëherë tjetër, por dhemb sa herë ndodh kjo. Tani problemi është sesi do të ngrihet ekipi. Ekipi duhet të ketë donator, nuk mbahet vetëm nga një person. Kjo është ekonomia shqiptare dhe duhet të ketë 5000 donatorë. Shikoni rastin e tërmetit, unë kam besim. U mblodhën gjithë ato lekë nga telefonat, jo më për futbollin. Kështu i bie që vitin tjetër të bjeri Partizani apo Tirana, që nëse nuk kanë lekë, atëherë do të bien nga kategoria. Se kjo është formula, nëse presidenti i një ekipi nuk është mirë nga ekonomia, atëherë do të bjerë?, u shpreh Ruci.

Kola- ?Flamurtari i Vlorës ka rrahur Jugosllavinë e madhe, pra Partizanin e Beogradit. Paralelizmi që unë e kap në përgjithësi në futbollin shqiptar, në kohën tonë kemi qenë profesionistë dhe bënim dy herë në ditë stërvitje. Këta sot bëjnë vetëm dy orë stërvitje, atëherë çfarë pret? Flamurtari dhe Vllaznia kanë nxjerrë lojtarë dhe trajnerë për gjithë Shqipërinë. Unë me origjinë jam nga Dukigjini, por nuk ka lidhje Dukagjini me futbollin. Si të them Kukësi me futbollin. Kukësi ka pasur mundësa, ata i ka të shkëlqyer. Është gjynah të shohësh Tiranën, Shkodrën, Vlorën, Beratin që të luajnë në një kategori më poshtë. Unë jam 61-vjeç dhe dy orë stërvitje nuk më dalin. Këta të sotmit futen në fushë sikur kanë dalë nga lavatriçja, të larë dhe të pastruar?, u shpreh Kola.