web counter
LEXO PA REKLAMA!

SHKARKO APP

App Store
Google Play

"Largoni këtë trajner dështak, është bërë si Panuçi i dytë", shpërthen keq ish-sulmuesi i Partizanit

10 Qershor 2020, 10:04, Sport CNA

Ish-sulmuesi i Partizanit, Edmond Dosti, i mërzitur nga rezultatet e të kuqve këtë sezon dhe sidomos në ndeshjet e fundit, nuk i ka kursyer kritikat për trajneri Adolfo Sormani.

Në një postim në profilin e tij zyrtare në ?Facebook?, Dosti i kërkon presidentit ta shkarkojë trajnerin, duke thënë se ai është një dështak dhe është bërë si Panuçi i dytë. Ish-lojtari i Partizanit, ashtu si edhe shumë tifozë të tjerë, nuk e duron dot gjendjen e keqe që po kalon kjo skuadër dhe zgjidhja sipas tij do të ishte të paktën shkarkimi i trajnerit.

Postimi i Dostit:

?Zoti Demi vendos dinjitetin tënd në radhë të parë dhe atë të Partizanit, duke e shkarkuar këtë dështak. Çdo dite që kalon aty është në dëmin tuaj dhe të Partizanit. Mendohu mirë!

Ditën që more ekipin the se objektivi është Kupa dhe titulli kampion dhe nuk the se më këta lojtarë nuk fitohet asgjë, pse kështu justifikohesh, në momentin që ti pranove të drejtosh do të thotë se kualiteti i lojtarëve ishte, por ti nuk ke aftësi për të drejtuar (je bërë Panuçi Nr. 2, që sa herë humbte thoshte e kanë fajin lojtarët, je i vetmi trajner në botë që nuk mbron as lojtarët e tu dhe nuk merr përgjegjësi mbi vete), por ke dashur vetëm lekët e Gaz Demit. Sepse ai besoi tek ty një kontratë 2.5 vjeçare, edhe si dështak qe je nuk pranon dorëheqjen sepse të interesojnë vetëm paratë dhe jo Partizani. Turp turp turp?!?, shkruan Dosti.





Lajmet e fundit nga