web counter
LEXO PA REKLAMA!

SHKARKO APP

App Store
Google Play

E fundit!

x

“Debati për indentifikimin elektronik artificial”/ Gjiknuri: Shpresoj mos përdoret si sebep nga opozita

28 Maj 2020, 19:24, Politikë CNA

Bashkëkryetari i Reformës Zgjedhore Damian Gjiknuri, tregoi pak momente më parë çështjet për të cilat u bisedua në tryezën e Këshillit Politik.

Ashtu si demokrati Oerd Bylykbashi, edhe Gjiknuri tha se patën një debat për indentifikimin elektronik në çdo qendër zgjedhore.

Socialisti e cilësoi këtë debat si artificial, ndërsa theksoi se shpreson që opozita të mos e përdorë këtë çështje si sebep për t?u larguar nga tryeza.

?Sot kishim mbledhjen e radhës për çështjen e krimeve zgjedhore, por dhe monitorimin e qendrave të votimit me kamera. Kemi një debat akoma, është një debat artificial për përfshirjen e teknologjisë në zgjedhje, Kemi rënë dakord në parim, por sot po diskutojmë për detajet e tjera. Bëhet fjalë për identifikimin elektronik në zgjedhje dhe përfshirja e numërimit dhe votimit elektronik. Problemi është sa mund të shtrihet, se dëshira jonë është për ta shtrirë. Ne jemi gati që të lemë ekspertët për këtë gjë, pasi duhet parë si do zbatohet dhe sa është kosto. Zgjedhjet nuk vihen në dyshim se nuk funksionon teknologjia. Shpresoj që kjo të mos përdoret si sebet, pasi garancia për integritetin e zgjedhjeve është në shumë procese të tjera. Jo çdo listë dëshirash nuk mund të kthehet në detyrim për ne?, u shpreh Gjiknuri./ CNA.al





Lajmet e fundit nga