E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Ahmetaj flet për paketat e qeverisë/ “Paga e tretë do jepet brenda 15 qershorit”

28 Maj 2020, 15:00, Politikë CNA

Ministri i ngarkuar për situatën ekonomike të pandemisë, Arben Ahmetaj, tregoi se nga paketa e parë janë shpërndarë deri më tani tre paga, si dhe do të jepet edhe një 260 mijë lekësh në qershor.

Përsa i përket paketës së dytë, do jepet 40 mijë lekë të reja për ata që janë larguar nga puna nga 17 marsi 2020 deri 17 prill 2020.

?Ka dy paketa të rëndësishme që injektojnë ndihmë direkt tek qytetarët. Është dhënë 260 mijë lekëshi i dytë dhe do jepet edhe një 260 mijë lekësh në qershor. Kemi ndryshuar periudhën kohore për ata që kanë dalë të papunë. Do jepet 40 mijë lekë të reja për ata që janë larguar nga puna nga 17 marsi 2020 deri 17 prill 2020. Kemi zgjeruar gamën kohore, duke përfituar 30 mijë gati qytetarë. Ne kalojmë pagën menjëherë tek njerëzit dhe jo tek pronarët. Me këtë përfitojnë rreth 50 mijë familje. Shkon numri i përfituesve të dytë në 179 mijë persona. Do çojmë përfitimet në bazë të të dhënave që kemi nga Tatimet?, u shpreh ai në News 24.

Ministri paralajmëroi se do të ndëshkohen të gjithë administratorët që nuk kanë regjistruar punonjësit e shkarkuar, ndërsa deklaroi se paga e tretë e luftës do të jepet brenda datës 15 qershor.

?Nuk do të ndëshkojmë njeri përveç atyre administratorëve që kanë neglizhuar. Ajo që dua të ndaj me ju janë dy lajme të mira për ekonominë. Një sukses është Karavastaja si projekt, që ka investuar një kompani franceze. Kemi të gjitha shpresat bazuar në fakte se ekonomia shqiptare do të ringrihet më shpejt nga sa ishte parashikuar. Shqipëria po përgatitet për çdo situatë. Përqendrimi i të ardhurave drejt përmirësimit. Në rast se nuk ka aplikim nga ata që kanë nevojë, administrata tatimore do të bëjë aplikimin. Kjo do të thotë se nuk ka nevojë për aplikim. Nëse qytetari është përfitues i kalohet menjëherë në llogari bankare 40 mijë lekë të reja. Pagat do të merren që nesër. Paga e tretë do të merret brenda 15 qershorit?, nënvizoi Ahmetaj./ CNA.al