E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Reforma në Drejtësi/ Ngjela: Yuri Kim ktheu optimizmin te shqiptarët

28 Maj 2020, 10:47, Politikë CNA

Avokati Spartak Ngjela thotë se Ambasadorja e Shteteve të Bashkuara, Yuri Kim, kthehu sërish optimizmin te shqiptarët.

Ngjela thotë se shqiptarët po presin ndihmën e saj për të vijuar me forcë reformën në drejtësi dhe konsolidimin e SPAK -ut, deri në shtypjen e korrupsionit të lartë shtetëror dhe krimin e organizuar.

?Your exelency Yuri Kim, shqiptarët po presin ndihmën tuaj: Për të vijuar me forcë reformën në drejtësi dhe konsolidimin e SPAK -ut, deri në shtypjen e korrupsionit të lartë shtetëror dhe krimin e organizuar. Për të shpejtuar organizimin e Byrosë Kombëtare të Hetimit dhe plotësimin e saj me ekipin e trajnuar në Shtetet e Bashkuara: sepse pa këtë Byro, nuk mund të fillojë goditja e korrupsionit të lartë shtetëror dhe krimit të organizuar. Për të ushtruar presion ndaj krerëve të Partisë Socialiste që të vendosin listat e hapura në reformë zgjedhore?, shkruan Ngjela.

Ai thekson se dy janë rrugët që shqiptarët duhet të ndjekin për të fshirë nga pozicioni abuzues klikën politike të korrupsionit shqiptar: reforma në drejtësi me SPAK-un aktiv; dhe listat e hapura në sistemin zgjedhor.

?Ky është një korrupsion banditesk, që më këtë kod zgjedhor dhe me ndihmën e krimit të organizuar, nuk mund të rrëzohet dot; sepse krimi i organizuar, i cili është rrjedhojë direkte e korrupsionit të lartë shtetëror, është klientela aktive e këtij korrupsionit të lartë politik, në mbi 20 vjet bashkëpunim.
Krimi i organizuar kontrollon dhe vendos fituesin e zgjedhjeve. Prandaj rrezikshmëria e tij është shumë e madhe.
Por, listat e hapura dhe ngritja e pushtetit gjyqësor të drejtë dhe të pavarur, në bashkëpunim me policinë kriminale dhe Byronë Kombëtare të Hetimit dhe SPAK-un, është metodë goditëse adekuate për eliminimin e injorancës në pushtet politik, por edhe të klientelës së saj kriminale?, shkruan Ngjela në një postim në rrjetet sociale.
Më tej ai shkruan se e gjithë kjo reformë anti-krim në Shqipëri mund të triumfojë vetëm me forcën imponuese të politikës amerikane.
?Pikërisht kjo është arsyeja që shqiptarët po presin shumë nga aktiviteti i motivuar i ambasadores Yuri Kim.
Dhe ndërkohë ajo po krijon optimizëm të ri në opinionin publik në Shqipëri?, përfundon Ngjela./CNA.al