web counter
LEXO PA REKLAMA!

SHKARKO APP

App Store
Google Play

E fundit!

x

Basha takime me biznesin e vogël në Tiranë/ Pronarët ngrenë alarmin: Po falimentojmë

25 Maj 2020, 16:57, Politikë CNA

Kryetari i Republikës së Re Lulzim Basha, ka bërë disa takime sot në zonën mes Brryllit dhe Xhamllikut me bizneset në Tiranë.

Qytetarët i janë ankuar Bashës se pagesa e qeverisë ishte shumë e vogël dhe e pamjaftueshme për të mbyllur shpenzimet e muajit.

Bizneset pretendojnë se nuk kanë mbështetje dhe se po falimentojnë, ndërsa pohojnë se për shkak të situatës kanë larguar nga puna shumë njerëz.

?Jemi keq. Shumë keq, shumë shumë keq. S?kemi marrë as pagë lufte. Kam paguar të gjitha taksat, siguracionet, të gjitha. Çfarë mund të bëj me një kioskë kaq të vogël që e kaluan me TVSH?! Nuk kam marrë asnjë mbështetje. Xhiro është shumë e ulët, 60 -70% ulje?, tha pronari i një dyqani të vogël, ndërsa një tjetër deklaron se: ?Mora një mbështetje, e cila nuk më del as për qeranë, 260 mijë lekëshin. Kisha punëtoren, detyrova ta heq sepse nuk e përballoj dot. Tani jam vetëm unë, nga mëngjesi deri në darkë. Do të shikoni vetë gjithë rrugës sesa e trishtë është situata, kanë mbyllur qepenin?.

Ndërkohë, Basha theksoi se duhet t?i kthehemi një orë e më parë normalitetit dhe duhet mbështetur biznesi, pasi sipas tij, në të kundërt do të shkatërrohej ekonomia.

?Kudo në Shqipëri bizneset po mbyllen, papunësia po rritet dhe numri i familjeve në varfëri është shtuar. Nuk ka xhiro, nuk ka konsum, nuk ka para, sepse kjo qeveri nuk i ka në llogari ata që punojnë me ndershmëri. ?Po falimentojmë?, është ajo që dëgjova më shpesh sot nga pronarët e bizneseve të vogla në njësinë 3 në Tiranë?, nënvizon kryedemokrati në një postim në rrjetet sociale, ku ka publikuar edhe videon nga takimi./ CNA.al





Lajmet e fundit nga