web counter
LEXO PA REKLAMA!

SHKARKO APP

App Store
Google Play

Skandali/ Gjoba masive shqiptarëve në Kakavijë

19 Maj 2020, 18:10, Aktualitet CNA

Ka disa ditë që shtetasit shqiptarë të cilët kishin ngelur matanë kufirit për shkak të Covid-19, kthehen nga Greqia në Shqipëri.

Sot në Kakavije ka pasur një fluks të madh dhe rradhë të cilat nuk janë krijuar për shkak të numrit të njerëzve që hyjnë në vend, por për shkak të gjobave që vendoste policia greke ndaj shqiptarëve, tha një burim zyrtar nga Kakavija për cna.al.

Asnjë shqiptar i cili ka kaluar afatin e qëndrimit, nuk ka shpëtuar pa gjobë. Megjithëse kryeministri Rama, tha se ishte marrë vesh me kryeministrin grek Kyriakos Mitsotakis, policia në Kakavijë sot ka vijuar me gjoba masive, 600-800 euro për shkak të kalimit të afatit të qëndrimit.

Sipas marrëveshjes Shengen, shtetasit shqiptarë nuk mund të rrijnë me më shumë se 90 ditë në 6 muaj apo 180 ditë në 365 ditë. Afatet e qëndrimit ju kanë kaluar sepse i ka zënë karantina në shtetin grek. Tani kthehen në Shqipëri dhe gjobiten në mënyrë masive.

Kryeministri Rama, ka gënjyer publikisht sepse tha që nuk do të ketë gjoba për kalimin e afatit te qëndrimit.  Gjobat janë vendosur dhe shqiptarët po gjobiten çdo ditë pa ndalim./CNA.al





Lajmet e fundit nga