E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Kush po paguan që të gjymtojë kulturën shqiptare?/ Ngjela flet për prapaskenat e shembjes së Teatrit

18 Maj 2020, 19:50, Aktualitet CNA

Avokati Spartak Ngjela, në një intervistë për Ora news, ka komentuar shembjen e Teatrit Kombëtar.

Ngjela u shpreh se Teatri duhej të mbahej si muze, pasi ajo ka edukuar elitën e kryeqytetit.

Ndërsa për sa i përket ndërtimit të teatrit të ri, Ngjelashptehet se nuk mund të ndërtohet me një fond prej 30 mln eurosh.

?Duhet të jemi koshientë se lufta kundër teatrit shqiptar ka filluar herët. I pari e filloi Enver Hoxha. Në momentet që ra komunizmi të gjithë shpresuam se do të kthehemi aty ku ishim të kthehej me standarte të larta. Nuk ndodhi kështu. Ata që erdhën në pushtet pas vitit 91′ e rrënuan komplet, jo vetëm atë teatër. Teatri mbeti si një relike e vjetër që nuk jepte asgjë. Këtu vjen fundi i teatrit. Kjo ishte finalja. Ajo nuk ishte një sallë që mund t’i rezistonte kohës që ne mund t’i rikthenim në shoqërinë shqiptare një teatër të nivelit botëror. Se atje kanë luajtur me sakrifica të mëdha aktorët e mëdhenj. Sot nuk shkoje dot atje se nuk kishte as ngrohje. Kush e ka lënë ashtu, shteti. Ajo ishte pronë shtetërore. Kush i ka lëshuar rrugëve pa asnjë të ardhur aktorët.

Ka ardhur koha që çdo njeri të marrë përgjegjësi për ngritjen e Teatrit Kombëtar. Po bëhen me drama të mëdha. Elitën e këtij qyteti e ka edukuar teatri. Ishte pikërisht teatri që solli në mënyrë praktike frazën shqipe të komunikimit në nivel të lartë. E bëri teatri dramatik. Tani ka ardhur koha që nuk mund të qajmë të vdekurin. Unë kam qenë ndër të vetmit që kam thënë se duhet mbajtur si muze. Tani ka ardhur koha të mendohet jo vetëm për një teatër të madh. Me 20-30 milion nuk bëhet një teatër. Duhet mbi 100 mln. Duhet që brenda atij teatri të implementohet e gjithë historia e teatrit shqiptar. Duhet që brenda një teatri me 8 mijë metra katror nuk mund të bëhet, duhet të paktën 15 mijë metra katror. Mos të lejohet shteti të bëhet si të dojë. Defekti kryesor i kësaj kohe ishte se bota akademike, akademia e shkencave, universitetet nuk folën fare. Kanë qenë në një konflikt të brendshëm. Të gjithë aktorët e mëdhenj që kanë luajtur në atë sallë, qanin që luanin në atë sallë. Por ajo mund të qëndronte si muze. Unë nuk di se kush po paguan që të gjymtojë kulturën shqiptare. Ishte inerci kjo që ka ndaluar një fenomen anti kulturës shqiptare apo është vazhdimësi kundër kulturës shqiptare dhe gjuhës shqipe.? /CNA.al