web counter
LEXO PA REKLAMA!

SHKARKO APP

App Store
Google Play

E fundit!

x

Valentin Macaj: Punonjësit e policisë kanë nevojë për psikologë

18 Maj 2020, 19:36, Aktualitet CNA

Punonjësit e policisë kanë nevojë për psikologë! Kështu shprehet Valentin Macaj, kryetar i Sindikatës së Shërbimeve Policore të Shqipërisë, në një intervistë për TVT, duke iu referuar rasteve të dhunës së fundmi.

?Punonjësit e policisë kanë nevojë për psikologë dhe trajtim të veçantë që të njihen me situatat që krijohen.

Nuk mund të bëhet një plan masash për të pëballuar një dhunë, dhe një numër të madh protestuesish thjesht me një urdhër verbal qe jepet në rrjeshta.

Ata kanë nevojë për orë teorie dhe praktike për të njohur të drejtat themelore të njeriut, për të njohur Kodin e Etikës dhe për të qene sa më realist me reagimin e protestuesve.

Ata duhet të neutalizojnë iniciuesit e dhunës dhe prishjes së objekteve publike.?

Ndërsa mungesën e numrave indetifikues të punonjësve të policisë, ai e konsideroi si një shkelje që duhet të hetohet.

?Ky është një problem qe duhet hetuar nga Shërbimi i Kontrollit të Brendshëm,sepse numri personal i punonjësit të policisë, është i njëtë si numri i letërnjoftimit, numri i qytetrit. Kjo është shkelje.?

Sa i përket rastit të dhunimit të adoleshentit, kreu i sindikatës kjo erdhi sipasojë e presionit, pasi ndodhi pas shkarkimit të shefit të komisariatit, lidhur me shkeljet e thyerjes së masës së karantinës.

?Kjo ka lidhje me presionin që shkaktohet në situata të caktuara. Një natë më para, u shkarkua nga detyra shefi i Komisariatit Nr.1 i cili lejoi xhiro në parkun e liqenit dhe një ditë më pas, reagimi i punonjësit të policisë ishte i dhunshëm ndaj adoleshentit. Ky rast po hetohet dhe do të merren masat përkatëse?, tha ai./CNA.al





Lajmet e fundit nga