“Zjarri që do të ndezin do të djegë shtëpitë e tyre”/ Budina zbulon mesazhin si u kërcënua

14 Maj 2020, 14:48, Aktualitet CNA

Regjisori Edmond Budina, ka folur me tone të ashpra pas përfundimit të takimit me kryedemokratin Basha.

Ai theksoi se nëse bashkia dhe qeveria tenton të ndezë zjarrin, me të do të digjen shtëpitë e atyre që tentojnë të shembin teatrin.

Budina zbuloi gjithashtu se kishte marrë disa kërcënime nga disa persona në rrjetet sociale.

?Keni dëgjuar gënjeshtër, që kryetari i bashkisë shpif dhe gënjen. Sot më kanë ardhur kërcënime nga njerëz anonim që në fotografinë e tyre kishin Al Capone. Këto kërcënime t?i mbajnë për veten e tyre dhe për kryetarët e bashkive. Ata janë me profile false. Me ne nuk do të luaj askush. Zjarri që do të ndezin ata, do të djegë shtëpitë e tyre. Thirrini mendjes, mos bëni marrëzira. Populli i Tiranës do të jetë atje. Ne jemi qytetarë të lirë që nuk bëjmë pjesë në asnjë pati politike. Në këtë rast nuk mbrohet as PD, as LSI, e as opozita. Por mbrohet dinjiteti i qytetarisë shqiptare. Tregimi i forcës prej tyre, tregon se jemi në shtet dhune. Gjithçka është në dorën e pushtetit. Ky është moment tepër i vështirë. Ne do të reagojmë sipas reagimit që do të bëjnë ata”./CNA.al