Ilir Daja: Shumica e ekipeve i kanë thyer rregullat e qeverisë, dua të rikthehem te Tirana

14 Maj 2020, 07:22, Sport CNA

Ilir Daja është një nga trajnerët më të mirë në qarkullim në tregun shqiptar dhe gjatë karrierës së tij ka fituar vazhdimisht trofe. Në një intervistë për ?Super Sport?, tekniku i Skënderbeut tregon rreth emocioneve të triumfeve dhe situatës së mjegullt, që po përjetojmë në lidhje me rinisjen e kampionatit.

KARANTINA- E kam kaluar karantinën në shtëpinë time në Tiranë. Unë dhe skuadra ime kemi respektuar rregullat ndryshe nga disa të tjerë që vetëm në shtëpi nuk kanë qenë. Unë kam thënë se duhet të nisim sa më shpejt stërvitjen individuale duke respektuar rregullat e vendosura nga mjekët. Nëse rinisja vonohet është më mirë që të mos fillohet fare, pasi çdo klub duhet të ketë kohën e nevojshme për t?u stërvitur.

THYERJA E RREGULLAVE- Distanca mes stërvitjes dhe kampionatit është shumë e shkurtër dhe vetëm 30% e ekipeve e kanë zbatuar këtë karantinë, ndërsa 70% janë stërvitur. Skënderbeu nuk ka bërë asnjë stërvitje në grup dhe të gjitha stërvitjet i kemi bërë individuale dhe sipas mundësive që lojtarët kanë pasur. Nga momenti sot e deri në 3 qershor është një kohë e pamjaftueshme për shëndetin e lojtarëve dhe pastaj për performancën.

PSE NDODHESH NË DURRËS- Është një takim pune që kemi me presidentin Takaj për të nisur stërvitjen kur të jepet miratimi. Kemi lojtarë të shpërndarë nëpër Kosovë e Maqedoni dhe sot kemi folur për rifillimin e stërvitjeve. Kur fillon kampionati të gjithë datat e garës janë të përcaktuara dhe kjo varet nga skuadrat kur duan të fillojnë.

?KOHA NUK MJAFTON?- Në periudhën e minifazës së janarit, lojtarët shkëputen rreth 15 ditë e janë në gjendje optimale dhe psikologjike të mirë. Por koha prej 3 javësh nuk është e mjaftueshme pasi lojtarët shfaqin probleme, ndërsa tani janë dy muaj shkëputje dhe gjendja psikologjike nuk është e mirë. Koha prej tre javësh për Skënderbeun është e pamjaftueshme dhe nuk duhet të dëgjojmë asnjë pseudo-analist. Ndeshjet do të luhen në një kohë të nxehtë dhe problem tjetër janë kontratat. Çdo ekip që do të arrijë në Europë nuk do të ketë probleme.

TROFETË- Sot është e njëtja ditë e fitimit të kampionatit tim të parë në 2006. Çdo titull është i veçantë pasi është kurorzimi i punës në grup. Titulli me Elbasanin ishte më i veçantë sepse ishte titulli i parë për mua. Me Dinamon në ndeshjen e fundit kemi luajtur me nëntë lojtarë për 40 minuta, ndëra qershia mbi tortë është Korça.

MË I MIRI- Kam përmendur Nevil Deden që është një nga më të mirët që kam trajnuar.

PRESIDENTËT- Kam pasur gjithmonë një marrëdhënie të mirë me të gjithë dhe kjo më ka bërë që të ruaj raportet me të gjithë sot. Do të veçoj Takaj për suksesin që arritëm.

RIKTHIM TE TIRANA?- Është mirë që mos të bëjmë me sikur sepse Tirana ka një trajner dhe me meritë janë në krye. Unë në karrierën time kam pasur shumë rikthime dhe te Tirana do të kisha dëshirë të rikthehesha kur të jetë momenti, pasi edhe aty kam një peng në karrierën time. Sot Tirana e ka trajnerin dhe të shikojmë për më vonë.