web counter
LEXO PA REKLAMA!

SHKARKO APP

App Store
Google Play

Fenerbahçe merr vendim, qartësohet e ardhmja e Vedat Muriqit

12 Maj 2020, 16:16, Sport CNA

Fenerbahçe dëshiron ta mbajë në skuadër Vedat Muriqin, por ofertat e shumta të ardhura nga klube gjigante në pesë ligat kryesore të Europës bëjnë që klubi nga Stambolli ta diskutojë këtë çështje dhe të marrë një vendim më të ftohtë. Kështu, ?Sabah? mëson se drejtuesit e Fenerit kanë vendosur të presin oferta për Muriqin dhe në rast se plotësohet dëshira financiare e tyre, gjigantin e ofensivës do e shohim në një prej kampionateve të mëdha.

Sulmuesi është një nga të paktët gjigantë të qendrës së sulmit në treg dhe ka treguar aftësi shumë të mira në kampionatin turk. Murinjo kërkon një lojtar masiv si Muriqi për të vënë në zbatim idetë e tij te Totenhem. Ndërkohë, Igli Tare e do te Lacio dhe i premton prekjen e emocioneve të Champions League. Klube të tjera të Premier Ligës gjithashtu kanë interes të vazhdueshëm për 24-vjeçarin. Kështu, Fenerbahçe nuk i mbetet tjetër veçse të caktojë një çmim dhe ashtu ka bërë.

Verdheblutë e nisin ankandin për Muriqin nga 25 milionë eurot. Më parë Totenhem është drejtuar me 20 milionë euro dhe në të ardhmen pritet të londinezët t?i afrohen dëshirave të turqve. Nga ana tjëtër Lacio hyn fuqishëm në lojë në rast të shitjes së një prej yjeve të skuadrës. Idetë e Fenerbahçes janë të qarta. Ata kërkojnë të arketojnë 35 milionë euro nga dy lojtarët më të mirë. Përveç bomberit të Kosovës, ata duan edhe 10 milionë euro për portierin Altai, i cili kërkohet nga Ajaksi dhe Real Madrid.





Lajmet e fundit nga