web counter
LEXO PA REKLAMA!

SHKARKO APP

App Store
Google Play

E fundit!

x

Talenti i kombëtares: Do e pranoja një transferim te Partizani

12 Maj 2020, 14:55, Sport CNA

Jon Mersinaj është një nga lojtarët shqiptarë më të talentuar, i cili edhe pse vetëm 21 vjeç, shkëlqen me Lokomotivën e Zagrebit në Kroaci.

Futbollisti në një prononcim të dhënë së fundmi, është shprehur se kishte marrë ftesë nga trajneri Edi Reja për miqësoret e marsit, por për shkak të Koronavirusit ndaloi gjithçka.

?Të gjithë e presim ftesën e Kombëtares dhe është një ëndërr. Unë kisha marrë ftesë për miqësoret e marsit, por më vjen keq pasi virusi ndaloi gjithçka. Shpresoj që të marr një ftesë tjetër.

Te Laçi kam kaluar një eksperiencë shumë të mirë. Kam marrë shumë minuta dhe eksperiencë dhe falë asaj unë jam këtu tani.

Ofertë nga Partizani? Pse jo?! Për të ardhmen duhet të bëj shumë punë dhe më pas të shikojmë.

Nuk mendoj se fakti që luaj jashtë më bën të marr ftesë nga Reja. Mendoj se Reja i beson lojtarëve të rinj dhe për këtë më dërgoi ftesë.

Ne ndihemi shumë krenarë që jemi në vendin e 3-të në renditje dhe kemi shumë mundësi për vendin e dytë, pasi jemi vetëm 1 pikë larg. Ne jemi të gjithë të bashkuar dhe kjo është arsyeja pse kemi suksese në rezultate.

Dje kemi nisur stërvitjen me grup të plotë, ndërsa kemi 2 javë me stërvitje në grupe të ndara. Më 30 maj kemi ndeshjen e parë të Kupës dhe më 6 qershor ndeshjen e parë të kampionatit.

Kampionati shqiptar është me shumë rivalitet dhe ekipet janë të barabarta. Nuk ka shumë diferenca me kampionatin kroat. Isha shumë i kënaqur që mora ftesën e Kombëtares, por nuk ia dola të luaj.

Idhulli im ka qenë Tiago Silva që nga koha kur luante te Milani, dhe e ndjek atë si shembull.

Ëndrra ime është të luaj në kampionatin gjerman, por ekipi i preferuar është Milani dhe do doja ët luaja në Serie A.

Kroacia ka goca të bukura, por shqiptaret janë më të bukura.?, u shpreh Mersinaj për ?Supersport?.





Lajmet e fundit nga