web counter
LEXO PA REKLAMA!

SHKARKO APP

App Store
Google Play

E fundit!

x

Rifillimi i Superiores, FSHF takon klubet për të diskutuar opsionet e kalendarit

12 Maj 2020, 18:55, Sport CNA

Federata Shqiptare e Futbollit po bëhet gati për rifillimin e aktivitetit, pasi duket se në parim është dakord me Ministrinë e Shëndetësisë për protokollet e sigurisë higjeno-sanitare që duhen respektuar, edhe pse nuk ka një datë fikse.

Institucioni i futbollit ka bërë të ditur se nesër do të zhvillojë një takim të parë me presidentët e klubeve të Superiores, për të mësuar se çfarë do të ndodhë më tej në futbollin tonë.

?Federata Shqiptare e Futbollit do të zhvillojë ditën e nesërme një mbledhje me të gjithë Presidentët e Kategorisë Superiore për të diskutuar mbi opsionet e rifillimit të futbollit.

Kjo mbledhje vjen pas punës së kryer nga stafi i FSHF për përgatitjet mbi rifillimin e garës futbollistike në vend. Ekspertët mjekësorë të Federatës kanë përgatitur një protokoll mjekësor i cili është konsultuar me Ministrinë e Shëndetësisë dhe Mbrojtjes Sociale në dy takimet e zhvilluara ditët e fundit.

Në ditët në vazhdim Federata do të zhvillojë takime me të gjithë anëtarët e saj?, shkruhet në njoftimin e FSHF-së e cila do të diskutojë me klubet vijimin e punës në bazë të datës së rifilimit, sa I përket ngjeshjes së kalendarit të ndeshjeve.





Lajmet e fundit nga