E fundit!

19:46 Aktualitet

VIDEO-Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

"Ulje pagash për mësuesit"/ Boçi sulmon Ramën dhe Beqajn: Po tentojnë të sharrojnë arsimin

3 Maj 2020, 19:38, Politikë CNA

Ish-deputeti i Partisë Demokratike Luçiano Boçi ka hedhur akuza ndaj kryeministrit Edi Rama dhe ish-ministrit Ilir Beqaj pas propozimit për uljen e pagave për mësuesit.

Demokrati pretendon se Rama po e përdor Beqajn për interesat e tij, ndërsa e cilëson këtë të fundit si simbolin ulëritës të korrrupsionit të Ramës.

Boçi thotë se Beqaj ishte ministri që i dha koncesionin korruptiv disa miliardësh të check-up kompanisë kryesore që fut cigaren në Shqipëri. Ish-deputeti deklaron se ish-ministri dhe kryeministri pasi nuk ia dolën me pensionet dhe shëndetësinë po provojnë të falimentojnë arsimin.

“Beqaj, i cili dorëzoi miliarada të tjera për sterilizimin tek një ndërtues me një të punësuar marangoz, tani me urdhër të shefit, ka rrëmbyer çekiçin e muratorit dhe sharrën e marangozit dhe kërkon t?i bjerë në kokë mësuesve e të sharrojë krahas pensionistëve, pagat e tyre. Ky ?Shaban? i Ramës, pasi sharroi me sharrë shëndetësinë, tani kërkon të sharrojë arsimtarët. Këtë ky lojtar anësor, rezervë i përjetshëm që i shërben qendrës, nuk e shpiku nga vetja jo.

Pas gjithë kësaj qëndron njeriu i falimetuar politikisht, Rama. Pasi ka falimentuar ekonominë, shëndetësinë, arsimin, ky mik i krimit dhe armik i dijes, kërkon të marrë me vete të gjithë shqiptarët në humnerën për ku është nisur. Jo vetëm që i keqtrajtoi mësuesit për shtatë vite, i përçmoi, i denigroi, i mori erzin, por tani kërkon t?i marrë dhe frymën! Jo vetëm nuk i pagoi denjësisht, i refuzoi shpërblimin e rrogën e trembëdhjetë, por tani kërkon t?i rrembejë dhe gjysmën e pagës. Për të nginjur pushtetin e tij!

Për të nginjur oligarkët, të cilëve ua jep lekët një më një! Ky Ramë me sharruesit e sharësit e tij kërkon të dhunojë mësuesit, të heshturit e munduar të mësimit online katrahurë, që nxjerrin sytë para kompjuterit të lodhur, që shkatërrojnë nervat me mungesën e internetit e që në kokë kanë çekiçin e largimit nga puna e tani sharrën e Ramës për pagat ?e majme?, të cilat atyre jua jepka partia e Beqajt, pronare e deklaruar e vendit.

?Më parë na çonin në shkollë për të mbushur letrat, tani na mbyllin në shtëpi për të bërë video?- do të revoltohej një mësuese në një reagim të saj, për dramën e mësuesit sot. Dhe s?mjafton kjo dramë. Rama nëpërmjet Beqajt e Besës, kërkon t?jua bëj ferr profesionin e jetë mësuesve, siç jua ka bërë të gjithë shqiptarëve. Por s?mjafton vetëm ky reagim. Mësuesit dhe shqiptarët nuk duhet të vazhdojnë të pranojnë të drejtohen nga kalbësirat dhe sharruesit e fateve të tyre”, shkruan demokrati në rrjetet sociale./ CNA.al