web counter
LEXO PA REKLAMA!

SHKARKO APP

App Store
Google Play

E fundit!

x

Festë me muzikë e birra në hotel/ Gjobitet ekipi i mjekëve shqiptarë që shkuan me mision në Itali

30 Prill 2020, 10:14, Kronika CNA

Ekipi i 30 mjekëve dhe infermirëve shqiptarë priten të rikthehen në Shqipëri pas misionit të përfunduar në ndihmë të Italisë së goditur nga pandemia.

Por sipas mediave italiane ata do të kthehen me gjoba dhe padi. La Republica shkruan se rreth dhjetë mjekë dhe infermierë janë gjobitur me 500 euro secili për shkelje të masave të regjimit të pandemisë e madje 2 prej tyre janë denoncuar për rezistencë e fyerje ndaj forcave të rendit.

Grupi prej 10 personash  u mblodh një natë më parë në një hotel të Brescias ku po festonin në një prej dhomave duke pirë alkool e me muzikë të lartë.

Një festim i tillë nuk është i lejueshëm nga rregullat e pandemisë, gjë që ka çuar pronarin e hotelit të Breshës të thërras forcat e rendit.

“Po mundohemi të zbardhim se çfarë ka ndodhur mbrëmë në hotelin e Brescias ka deklaruar për mediat këshilltari rajonal i Partisë Fratelli d’Italia Gianpaolo Natali, i cili e gjen të papërshtatshme që ky ekip mjekësh të mbërritur për të ndihmuar vendin të kthehen në shtëpi me gjoba prej 500 euro.”

“Do të kërkojmë ta analizojmë rastin në parlament “, ka thënë ai./CNA.al





Lajmet e fundit nga