E fundit!

19:46 Aktualitet

Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

Kush po vret në Shqipëri?/ Lehtësohen masat, aksidentet dhe vrasjet përgjakin rrugët

29 Prill 2020, 14:11, Kronika CNA

Prej më shumë se një muaji Shqipëria është në izolim për shkak të koronavirusit. Gjatë kësaj kohe janë pakësuar aksidentet rrugore apo vrasjet për shkak të izolimit të njerëzve dhe ndalimit të qarkullimit të mjeteve.

Mirëpo prej një jave, qeveria ka vendosur të lehtësojë masat e marra për parandalimin e koronavirusit.
Me lirimin e masave u rikthyen edhe vrasjet dhe vetëvrasjet të cilat tronditën vendin gjatë ditëve të fundit.
Dy ditë më parë ne vendin tonë u shënuan 2 vrasje të dyfishta duke shënuar kështu 4 viktima në pak orë.

Në qytetin e Vlorës një tjetër mbeti sot i vrarë pas një sherri me fqinjin e tij.
Pas një konflikti për motive pronësie midis 2 shtetasve (fqinjë) mbeti i dëmtuar rëndë shtetasi B.M., 60 vjeç, i cili ka ndërruar jetë në Spitalin Rajonal të Vlorës.
Në mesditë, një i moshuar nga Elbasani humbi jetën teksa priste të merrte shërbim në sportelet e një Banke të nivelit të dytë.

I moshuari është rrëzuar papritur dhe është përplasur mbi një bordurë duke dëmtuar rëndë edhe kokën. Personi në fjalë i identifikuar si B. Balla është transportuar menjëherë për në spital por ka ndërruar jetë menjëherë.
Një 37 vjeçar korçar i ka dhënë fund jetës duke u vetëvarur. Ngjarja e rëndë ndodhi mesditën e sotme në fshatin Voskop.
Sipas uniformave blu, viktima është gjetur pa jetë nga familjarët brenda banesës së tij.
Gjithshtu sot është shënuar edhe një aksident rrugor në dalje të autostradës Lushnje-Fier ku humbi jetën një një 29-vjecar.

Ndërkohë policia ka informuar se në Elbasan janë arrestuar dy persona për dhunë në familje. Njëri prej tyre ka plagosur me thikë bashkëshorten, tjetri ka udhtuar dhunë ndaj nënës së tij.
Ndonëse u duk se karantina po ulte nivelin e vrasjeve dhe përplasjeve, shihet se vetëm në në pak ditë numri i tyre është shumë i lartë. Gjatë ditëve të fundit janë raportuar disa vrasje në Korçë dhe në qytete të tjera të vendit./CNA.al