web counter
LEXO PA REKLAMA!

SHKARKO APP

App Store
Google Play

E fundit!

x

Habit Mustafa Nano/ "Nënë Tereza nuk është shenjtore"

28 Prill 2020, 20:19, Aktualitet CNA

Gazetari Mustafa Nano ka habitur me një deklaratë të bërë mbrëmjen e sotme, teksa po fliste për të shprehurin e mendimit të tyre dhe kufizimin e saj për shkak të etiketimit si mbështetës të partive politike.

Ai tha se hapësirat mediatike i janë përkushtuar politikës dhe nuk po shprehin si duhet mendimin për çështje të tjera. Por deklarata e tij për Nënë Terezën duket sikur do të hapë një debat të gjerë. Nano tha se emisionin e tij “Provokacija” se Nënë Tereza është një personazh i madh, por pretendon se ajo nuk është shenjtore.

“Po ju jap disa qëndrime të mijat, disa besime të mijat, disa teza të mijat. Në të cilat unë besoj fort. Unë besoj, fjala vjen, se aleanca me SHBA-të nuk mund të diskutohet, dhe se forcimi i kësaj aleance është mënyra më e mirë për të mbrojtur interesin tonë kombëtar. Unë besoj që një shoqëri multikulturore është më pak efektive sesa një shoqëri monokulturore. Unë besoj se libri Orientalizmi i Edëard Said-it është një libër i gabuar. Unë besoj se të liq nuk janë vetëm fqinjët tanë, jemi edhe ne. Unë besoj se fetë janë ndoshta të nevojshme, por është e sigurt se janë absurde. Unë besoj se lakuriqësia femërore po e banalizon seksin, por në të njëjtën kohë besoj se më mirë me minifund sesa me ferexhe. Unë besoj se një grua që mbulohet nuk është e lirë. Unë besoj se afirmimi së vërtetës mund të qëllojë të jetë një veprim i rrezikshëm.

Unë besoj se kryqëzata e Katolicizmit kundër prezervativëve e kundër kërkimit shkencor me qelizat staminale është një betejë e gabuar. Unë mendoj që Nënë Tereza është një personazh i madh, por nuk është një shenjtore. Sepse shenjtoret ekzistojnë po aq sa edhe babagjyshi i Vitit të Ri. Unë besoj se diskutimit mbi shqipen standarde nuk mund t?i rikthehemi më. Unë besoj se kosovarët nuk kanë rrugë tjetër, veçse të promovojnë e të bëjnë të tyren këtë shqipe standarde. Unë besoj se relativizmi moral është i gabuar”, deklaroi gazetari duke ftuar këdo që të shkojë në studion e tij dhe të debatojë për këto çështje e jo për politikë./ CNA.al





Lajmet e fundit nga