E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Korrupsioni shtetëror kërkon destabilizim”/ Ngjela bën thirrjen urgjente, mesazhi për Ramën

27 Prill 2020, 13:13, Politikë CNA

Avokati i njohur Spartak Ngjela, ndërsa komenton situatën që po kalon vendi për shkak të koronavirusit, thekson se epidemia po shfrytëzohet nga politika, sipas tij për të krijuar destabilitet shoqëror.

?Koha po ecën drejt eliminimit përfundimtar të rrezikut epidemik, dhe kjo gjendje pozitive duhet të mbrohet me çdo mjet.

Korrupsioni i lartë shtetëror do të kërkojë hapjen me dhunë të karantinës. Kjo është natyra e tij: me vdekjen masive të shqiptarëve ai do të kërkojë të krijojë destabilizimin shoqëror dhe, me të, të shpëtojë gjënë e vjedhur.

Korrupsioni politik shqiptar ka pasur shumë shpresë te epidemia e koronës, e cila në Shqipëri ndërkohë po shkon drejt fundit të vet.?-shkruan Ngjela.

Më tej, ai i drejton edhe një mesazh kryeministrit, për të cilin thotë se nuk duhet te tërhiqet nga masat kufizuese.

?Ky korrupsion primitiv tani po e sheh se me epideminë dështoi, prandaj ka filluar të kërkojë prishjen e dhunshme të karantinës në funksion të shpërthimit epidemik.
Kryeministri shqiptar nuk duhet të tërhiqet.
Kurse politika antikorrupsion me kusht kundrejt qeverisë së Tiranës, e drejtuar nga Uashingtoni dhe Brukselit, duhet të vijojë në mënyrë të rreptë deri në masa ekstreme, mënjëherë
sapo të dalim nga gjendja e sigurisë antiepidemike.?-shkruan Ngjela.

Më tej, avokat Ngjela shkruan se ?Në të njëjtën kohë, korrupsioni shtetëror shqiptar duhet ta dijë se këtu drejton shkenca, dhe normat antiepidemike me fuqi ligjore tani mbrohen nga Kodi Penal. Askush muk mund t’i shkelë kërkesat dhe kufizimet për mbrojte antiepidemike. Është e qartë që, me anë të vdekjes masive, korrupsioni i lartë shtetëror dhe krimi i organizuar do të kërkojë të shpëtojnë gjënë e vjedhur. Këto orvatje duhet të goditën rëndë, nëse këta individë do të dalin me parulla anarkike kundër karantinës apo distancimit social. Sot gjithçka duhet të drejtohet nga shkenca, kurse kundër pështjellimit social që kërkon përhapjen e epidemisë, duhet të funksionojë menjhëherë Kodi Penal i amenduar tani së fundmi.?/ CNA.al