E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Shifrat po manipulohen"/ PDIU: Të lejohet testimi në laboratorë publikë dhe privatë

26 Prill 2020, 13:08, Politikë CNA

Partia Drejtësi, Integrim dhe Unitet ka bërë sot thirrje për sa më shumë teste dhe identifikim të të infektuarve në laboratorë shtetëror e privat, për të ruajtur shëndetin e njerëzve dhe të ekonomisë.

PDIU thotë se qeveria po mashtron dhe manipulon shifrat, ndërsa deklaron se teksa burra, gra, pleq e fëmijë po rrinë të mbyllur, ndërmarrjet po punojnë me qindra punonjës në punë pa asnjë masë mbrojtëse.

Sipas tyre, numrat mbahen me çdo mënyrë të kontrolluara dhe strategjia s’ka asnjë qëllim tjetër përveçse të mbajnë të mbyllura për opinionin shifrat reale të të prekurve dhe viktimave.

“Strategji që tentojnë vetëm ti marrin dinjitetin qytetarëve të vendit kur i nxjerr me fasha orare, gratë me fëmijë, të moshuarit, burrat më vete me dhe pa maska, të cilëve ka harruar dhe ti bërtasë si para disa javësh kur i tregonte si laheshin duart e si bëheshin male me të vdekur.Kemi kërkuar qysh ditën e dytë të shpalljes së vetizolimit që të fillonin testet massive e të mos mbeteshin vetëm për ato që vendoste udhëheqsi.

PDIU i bën thirrje Regjimit të FB: lejimin e laboratorëve publikë dhe privatë të kryejnë testime masive të të gjithë personave që kanë dyshime për infektimin e tyre, të personelit shëndetsor, të të gjithë rrjetit ushqimor dhe të rendit publik. Kjo do të ndihmonte në hapjen urgjente të bizneseve dhe ruajtjen e zinxhirit të Ekonomisë. Cinizmi me shqiptarët ku udhëheqësit dhe familjet e tyre testohen në spitalet private duhet të marë fund. Sot duhet të lejohen të gjithë shqiptarët të bëjnë analizat aty ku ata dëshirojnë e të mos mbeten në humorin e rregjimit të facebook-ut”, thuhet në deklaratën e PDIU.

Gjithashtu partia e Shpëtim Idrizit ngre alarmin e mbajtja mbyllur e ekonomisë dhe njerëzve ndërkohë që nuk kemi asnjë ide të situatës reale dhe të atyre që realisht janë të prekur apo e kanë kaluar virozën, është me pasoja të rënda./ CNA.al