E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Kush ka dështuar me pandeminë, Basha apo Rama?

26 Prill 2020, 10:48, Politikë CNA

Opinioni publik sot ndodhet përballë disa fakteve dhe përplasjeve politike. Kryeministrit Rama i cili vazhdon çdo ditë flet për masat e marra, për Komitetin e Ekspertëve, për veprimet e qeverisë, mënyrën si e menaxhon krizën. Përballë Ramës qëndron dhe Lulzim Basha.

Ky i fundit gjatë gjithë kohës thotë se qeveria po zbaton atë që ka thënë opozita. Pra, sipas Lulzim Bashës, hapat që po hedh qeveria, mënyra se si po menaxhohet kriza janë ato që thotë Lulzim Basha. Sepse ky i fundit na tha edhe disa ditë më parë në një dalje televizive, se qeveria kish pranuar shumicën e kërkesave të opozitës.

Sot, nëpërmjet një deklarate, të grupit të ekspertëve Anti-COVID pranë Partisë Demokratike, na u tha se qeveria nuk duhet të kompleksohet nga propozimet e opozitës për hapjen e biznesit, por duhet ti dëgjojë këshillat e saj, ashtu si ka dëgjuar edhe të tjerat.

Pra sërish qeveria po dëgjon opozitën për përballimin e situatës së pandemisë. Por këtu lind një tjetër pyetje, po bëhet mirë menaxhimi, apo po bëhet keq?! Sepse Luli nga një anë del dhe na thotë se qeveria po i dëgjon propozimet e opozitës dhe po ia vjedh asaj idetë dhe i zbaton. Ndërsa qeveria thotë që po zbaton një plan masash të marra nga ekspertët, të përgatitura sipas OBSH, dhe në përfundim rezulton që Lulzim Basha të thotë që qeveria po e keqmenaxhon situatën.

Tani ose qeveria po e menaxhon mirë dhe po i dëgjon kërkesat e opozitës, ose qeveria po e menaxhon keq sepse nuk i dëgjon propozimet e saj por e bën sipas qefit duke shkaktuar shumë pasoja!

Luli sërish duket se është në një rrugë pa krye, kërkon të krijojë një perceptim konfuz në opinion publik. Nga njëra anë do të thotë se qeveria ka dështuar, nga ana tjetër thotë, kërkesat tona i ka dëgjuar por ti dëgjojë dhe këto të tjerat. Dhe sipas Lulit, i vetmi gabim në këto kohë është vonesa në marrjen e këtyre masave apo zbatimin e propozimeve që bën Basha.

Tani, në versionin ?i dhe ujë gomarit dhe si ia dhe ujin gomarit? duket se Luli ka zgjedhur të ketë strategjinë e tij më të re politike, ulur në karrike me librat në sfond që duket se nuk lëvizin kurrë, dhe Luli ka disa fjalë: Pikat tona për plan, pikat tona për planin tjetër dhe Rama na vodhi idetë , Rama po zbaton idetë tonë.

Por në finale të gjitha këto i hedh poshtë duke dalë, jo vetë, por duke nxjerrë të tijët, dhe duke thënë shumë keq, shumë keq!

Tani, ose është shumë keq dhe propozimet e opozitës janë të gabuara dhe qeveria zduhet ti dëgjojë, ose gjithçka po ecën normalisht dhe Shqipëria ka marrë masat e duhura.

Të dyja me versionin ?si ja dhe ujin gomarit? nuk mund të shkojnë, se pastaj del qe gomari të jetë ai që po luan me shqiptarët për të përfituar ca vota nesër, qoftë në krye të qeverisë, qoftë në krye të opozitës./CNA.al