web counter
LEXO PA REKLAMA!

SHKARKO APP

App Store
Google Play

E fundit!

x

Shëroi 6 pacientë/ BE jep 50 milionë euro për kurën izraelite kundër Covid-19

26 Prill 2020, 18:14, Politikë CNA

Bashkimi Europian ka vendosur të mbështesë me 50 milionë euro, një kurë kundër COVID-19 që po zhvillohet nga firma izraelite Pluristem.

Financimi mbështetet nga Fondi Evropian për Investime Strategjike (EFSI), shtylla financiare e Planit të Investimeve të Bashkimit Evropian për Evropën.

Pluristem me bazë në Haifa ka siguruar 50 milion euro për të avancuar platformën e saj rigjeneruese të terapisë së qelizave, për të kuruar organet e dëmtuara si pasojë e infektimit me koronavirus.
Sipas The Jerusalem Post, kjo kurë shëroi 6 pacientë në Izrael, të cilët ishin në rrezik për jetën për shkak të infektimit me koronavirus.

Fondet e akorduara nga Bashkimi Europian dhe Banka Europiane e Investimeve mbulojnë 50% të shpenzimeve për zhvillimin e kësaj kure. Marrëveshja e financimit pritet të nënshkruhet në 30 Prill në një ceremoni online.

“Ne besojmë se ky financim do të na lejojë të përparojmë në mënyrë të konsiderueshme zhvillimin klinik për produkte kryesorë, të cilët presim të përmirësojnë cilësinë e jetës për miliona pacientë në të gjithë botën”, tha CEO i Pluristem dhe presidenti Yaky Yanay.

Pluristem, i cili aktualisht po kryen studime klinike në disa indikacione, thotë se produktet e terapisë qelizore me bazë në placentë besohet se lëshojnë një gamë të proteinave terapeutike në përgjigje të inflamacionit, ishemisë, traumës së muskujve, çrregullimeve hematologjike dhe dëmtimeve të rrezatimit.
Qelizat rriten duke përdorur teknologji tre-dimensionale të zgjerimit dhe më pas mund të administrohen tek pacientët pa përputhjen e indeve./CNA.al





Lajmet e fundit nga