web counter
LEXO PA REKLAMA!

SHKARKO APP

App Store
Google Play

Vodhën gomonen në Greqi/ Mbeten në burg dy vlonjatët

26 Prill 2020, 11:19, Kronika CNA

Gjykata e Vlorës ka dhënë masën arrest me burg për shtetasit Dushan Spahiu dhe Paulin Koçi, mbi të cilët rëndojnë akuzat e trafikimit  të mjeteve motorike dhe ndihmës në kalimin e paligjshëm të kufirit.

Ata u kapën dy ditë më parë teksa lundronin me një mjet lundrues tip gomone në afërsi të shpellës se Haxhi Alisë të cilin e kishin vjedhur në shtetin grek.

?Strukturat e Drejtorisë Vendore të Policisë Vlorë kishin marrë informacion nga pala greke, për një mjet lundrues të vjedhur në shtetin grek, i cili dyshohej se do trafikohej drejt Shqipërisë.

Nisur nga ky informacion është organizuar puna, duke bashkëpunuar me shërbimet e Policisë Kufitare Vlorë, QNOD Durrës dhe Rojën Bregdetare, me qëllim evidentimin e mjetit lundrues në rast se do hynte në ujërat e vendit tonë.

Strukturat e Policisë Kufitare dhe Delta Forcë, nën drejtimin e QNOD Durrës, Rojës Bregdetare Vlorë dhe në bashkëpunim me shërbimet e DVP Vlorë, bënë të mundur, në zonën e Karaburunit, pranë vendit të quajtur ?Kepi i Gjuhëzës?, bllokimin e mjetit lundrues, si dhe të dy personave që ndodheshin në bord.

Nga këqyrja e mjetit lundrues tip gomone me 2 motorë (9 m e gjatë), nuk është konstatuar asnjë material apo send i kundërligjshëm.

Në vijim të veprimeve, nga Seksioni për Hetimin e Trafiqeve dhe Narkotikëve në DVP Vlorë u bë arrestimi në flagrancë i shtetasve:

S., 43 vjeç dhe P. K., 25 vjeç, banues në Vlorë.

Materialet iu referuan Prokurorisë së Vlorës, për veprime të mëtejshme, për veprën penale ?Trafikimi i mjeteve motorike?, kryer në bashkëpunim.?/CNA.al

 





Lajmet e fundit nga