web counter
LEXO PA REKLAMA!

SHKARKO APP

App Store
Google Play

Dhunoi shoferin e një makine/ Pezullohet efektivi, shoqërohet në polici me bashkëpunëtorin

26 Prill 2020, 08:05, Kronika CNA

Mbrëmjen e djeshme u raportua për një sherr të ndodhur në mes të qytetit të Fierit, ku një punonjës policie së bashku me një person tjetër kishin dhunuar shoferin e një automjeti.

Bëhet fjalë për punonjësin e policisë me iniciale A.B. dhe shokun e tij shtetasin D.R., në qendër të Fierit, të cilët goditën me mjete të forta dhe grushta shtetasin Xh.O., duke i shkaktuar dëmtime fizike.

Raportohet se patrulla policore që ka qenë në vendngjarje, ka ndërhyrë menjëherë dhe i shoqëroi autorët në Komisariat, duke parandaluar përshkallëzimin e ngjarjes.

SHÇBA bën me dije se drejtori i Përgjithshëm i Policisë së Shtetit e pezulloi menjëherë nga detyra Inspektorin pas kësaj ngjarje, e cila rezulton se ka ndodhur për motive të dobëta.

Përveç dëmtimeve fizike, dy agresorët kanë dëmtuar mjetin e të riut. Pamjet filmike të ngjarjes janë administruar në cilësinë e provës materiale në funksion të hetimeve.

Të gjitha veprimet e kundraligjshme dhunuesit i kanë kryer duke thyer fashat orare të përcaktuara në aktet ligjore në fuqi për gjendjen e jashtëzakonshme, fakt ky i dënueshëm.

Ndërkaq, veprimet proceduriale u kryen në prani dhe në drejtimin e Prokurorit dhe materialet hetimore i kaluan për hetime të mëtejshme Prokurorisë pranë Gjykatës së Shkallës së Parë Fier./ CNA.al

Sherri në Fier/ Pezullohet nga detyra efektivi i policisë

Detaje nga sherri në Fier/ Efektivi i bën pritë dhe dhunon shoferin, një vajzë tenton t’i ndalojë





Lajmet e fundit nga