web counter
LEXO PA REKLAMA!

SHKARKO APP

App Store
Google Play

E zbulon Klodiana Lala/ Konfirmohen 15 të infektuar me Covid-19 në burgun 313

23 Prill 2020, 21:42, Kronika CNA

Gazetarja Klodiana Lala ka treguar mbrëmjen e sotme se vetëm në burgun 313 janë konfirmuar 15 persona me koronavirus.

Ajo deklaroi se i pari ka qenë një punonjës policie dhe më pas një shtetas italian i burgosur. Sipas saj, punonjësi i policisë nuk ka pasur kontakte me të burgosurit dhe nuk dihet si është infektuar shtetasi italian apo të dënuarit e tjerë.

“Janë 15 të infektuar me Covid-19. 14 janë të dënuar dhe të paraburgosur, ndërkohë që një tjetër, personi 15 dhe i pari në fakt i kontaminuar me koronavirus është një punonjës i policisë së burgjeve, i cili nga hetimi për nga ISHP rezulton se merrej me librat e shërbimit. Polici e ka marrë nga pjesëtarët e familjes së tij, ai nuk hynte në ambjenet e burgut 313. Të 12 punonjësit e tjerë të policisë që kishin pasur kontakte me të kanë rezultuar negativë, megjithatë ata janë izoluar për 12 ditë.

I dënuari i parë nga të burgosurit që është konfirmuar me Covid-19, është një shtetas italian, i cili kishte rreth 15-16 muaj që ndodhej në këtë paraburgim. Ky person nuk ka pasur kontakte, ose ka pasur kontakte shumë të rralla me avokatët. Kur u konfirmua rasti i parë të burgosurit bënë një mini revoltë. Pasi u bënë tamponime u konfirmuan edhe 13 të tjerë të burgosur dhe nga ata që ishin në paraburgim. Këta persona janë larguar nga godina dhe janë dërguar në atë pjesë të godinës së përshtatur si regjimi i posaçëm 41 bis. Pjesa më e madhe nuk kanë simptoma shumë të dukshme, vetëm shtetasi italian ka pasur temperaturë që iu bë tampoini dhe u konfirmua me Covid-19”, tregoi gazetarja.

Ndërkohë, kujtojmë se ministria sot ka konfirmuar vetëm 13 raste të infektuara me koronavirus në burgun 313/ CNA.al





Lajmet e fundit nga