web counter
LEXO PA REKLAMA!

SHKARKO APP

App Store
Google Play

E fundit!

x

Asgjësohen produkte ushqimore në Tiranë/ AKU gjobit dhe paralajmëron disa biznese

23 Prill 2020, 16:18, Kronika CNA

AKU ka marrë disa masa administrative me ?paralajmërim? në Fier, Vlorë dhe Shkodër, ?gjobë? si dhe ka asgjësuar produkte në Tiranë.

Gjatë inspektimit në Tiranë, është dhënë masa administrative ?gjobë? në një furrë buke, pasi është konstatuar se buka tregtohej e prerë, në kundështim me aktin normativ, në vlerën e 50,000 mijë lekëve, janë dhënë 7 masa administrative ?paralajmërim?, si dhe është bërë asgjësimi i 2.9 ton produkte ushqimore me kërkesën e subjektit.

Në Fier janë dhënë 3 masa administrative me ?paralajmërim?, për mos rinovim të librezave të ujit, si dhe mosrinovim të planeve të dezinfektimit. Masa administrative me ?paralajmërim? janë dhënë edhe 3 në Vlorë dhe 1 në Shkodër.

Në Berat, gjatë inspektimit janë marrë 20 mostra për analizim të produkteve me origjinë shtazore, ndërsa në Elbasan janë marë 15 mostra për analizim të sallatës jeshile.

Sipas AKU, gjatë inspektimeve në të gjithë vendin, është vërejtur që në pjesën më të madhe të bizneseve ushqimore, zbatohen rigorozisht masat e marra kundër përhapjes së Covid-19.

Autoriteti Kombëtar i Ushqimit paralajmëron se do të vijojë të jetë i pranishëm në të gjithë vendin në garantim të sigurisë ushqimore dhe shëndetit të konsumatorit./ CNA.al





Lajmet e fundit nga