web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në Korçë/ Zbardhen detaje të reja, prangoset autori i dyshuar

24 Prill 2020, 06:17, Kronika CNA

Uniformat blu kanë zbardhur të tjera detaje në lidhje me ngjarjen e rëndë të mbrëmjes së djeshme në Korçë, ku u vra një 67-vjeçar.

Policia bën të ditur se  67-vjeçari u gjet i plagosur nga bashkëshortja e tij pranë banesës, dhe u dërgua nga në spital, por fatkeqësisht nuk mundi të mbijetojë.

Në lidhje me ngjarjen në fjalë, policia e Korçës ka vënë në pranga autorin e dyshuar të vrasjes së 67-vjeçarit, i cili është një fqinj i tij.

“Strukturat e Drejtorisë Vendore të Policisë Korçë në bashkëpunim me Prokurorinë pranë Gjykatës së Rrethit Gjyqësor Korçë, në vijim të punës për zbardhjen dhe dokumentimin e ngjarjes së ndodhur më datë 23.04.2020, ku në lagjen nr. 7, në banesë, u godit me thikë dhe për pasojë gjeti vdekjen shtetasi P. T., 67 vjeç, bënë të mundur kapjen dhe arrestimin në flagrancë të autorit të dyshuar të ngjarjes shtetasit A. B., 65 vjeç, banues në Korçë.

Nga veprimet e para hetimore të kryera, dyshohet se ngjarja ka ndodhur për motive të dobëta. Në cilësinë e provës materiale është sekuestruar mjeti prerës (thikë), i përdorur në krim nga autori i dyshuar A. B.

Materialet i kaluan Prokurorisë të Rrethit Gjyqësor Korçë për veprime të mëtejshme”, thuhet në njoftimin e policisë./ CNA.al





Lajmet e fundit nga