web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi bën deklaratën e fortë/ "Gjysma e punonjësve të tatimeve po shkarkohen me listë partiake"

25 Prill 2020, 13:38, Politikë CNA

Kryetarja e LSI-së Monika Kryemadhi ka reaguar për situatën aktuale në vend dhe për masat e qeverisë për koronavirusin.

Teksa po fliste për tenderat sekretë të denoncuar nga opozita, Kryemadhi ka bërë një deklaratë të fortë. Ajo tha se gjysma e punonjësve të tatimeve po shkarkohen nga puna me listë partiake.

Sipas saj, tenderat sekretë janë një pjesë e vogël e korrrupsionit të qeverisë, pasi pretendon se vidhet shumë më shumë nga ajo që bëhet publik.

“Për mua gjykatat, prokuroritë duhet të jenë të gjitha në punë. Duhet të jenë në punë sepse ka shumë njerëz dhe qytetarë, të cilët kanë probleme me pronat, kanë probleme me vendimmarrje të gabuara që mund të kenë nga institucione zyrtare. A e dini ju që rreth gjysma e punonjësve të tatimeve po pushohen nga puna? Dhe po pushohen me listë partiake. Pra kush është anëtar i Partisë Socialiste dhe kush është i përfshirë në grupet e Partisë Socialiste në zona të caktuara, duhet të shkojë të regjistrojë emrin në mënyrë të tillë që të mos hiqet nga puna. A merret njeri me këtë gjë? Nuk merret njeri. Pra ka probleme pafundësisht dhe nuk është më thjesht historia tendera sekret. Tendera sekret janë një pjesë e vogël e të gjithë vjedhës të kësaj qeverie. Po koncensionet? Po mungesa e shumë gjërave të tjera? Pra janë kaq shumë gjëra, saqë janë pafundësisht dhe e bëjnë të padurueshme këtë situatë. Dhe tjetra, ajo që është dhe më e rëndësishme, është zgjatja e gjendjes së fatkeqësisë natyrore deri më 23 qershor, që është një absurditet. A ndenjëm ne në karantinë deri tani, që nga 9 marsi e deri më sot më 25 prill. Duhet të ishte shuar Covidi. Përkundrazi, sot kemi ditën më të lartë të rasteve me Covid. Pra, do të thotë që masat qeverisëse kanë qenë jashtëzakonisht të këqija”, nënvizoi në një lidhje em Rtv Ora liderja e LSI./ CNA.al





Lajmet e fundit nga