web counter
LEXO PA REKLAMA!

SHKARKO APP

App Store
Google Play

E fundit!

x

"Kurba bëhet në bunkerin e Surrelit"/ Paloka: Ja pse e fshehu Rama rastin e parë me Covid-19

25 Prill 2020, 12:45, Politikë CNA

Nënkryetari i Partisë Demokratike Edi Paloka, ka ngritur akuza të forta ndaj qeverisë, pasi pretendon se kanë fshehur rastin e parë me koronmavirus në Shqipëri.

Duke iu referuar deklaratës së specialistes në ISHP Silva Binos, Paloka tha se rasti i parë në Shqipëri ka ardhur që në muajin shkurt, por qeveria e mbajti të fshehtë sipas tij për shkak të Kongresit të PS-së.

Ai e cilëson këtë krim, pasi thekson se në atë kohë u zhvilluan disa grumbullime masive, siç ishte edhe protesta e thirrur nga presidenti Ilir Meta apo ndeshja Tirana-Partizani.

?Kjo situatë është one man show. Është një mashtrim sot i vërtetuar që rasti i parë që është regjistruar në Shqipëri është fshehur. Nga 28 shkurti deri më 9 mars kur u shfaq rasti i parë ka pasur disa aktivitete shumë masive. Ishte Kongresi i PS që ishte edhe arsyeja pse Rama nuk mori masa. Interesa meskine. Po flas për zbulimin zyrtar. Një e zonjës Bino që pranoi se rasti i parë zyrtarisht është më 28 shkurt. Grafiku i ecurisë fillon më 28 shkurt.

Ishte mitingu i shpallur nga Presidenti që mblodhi qindra- mijëra vetë. U zhvilluan dhe deri Tirana- Partizani. Ka pasur disa aktivitete masive ku rreziku ishte i madh. Qeveria e mbajti të fshehtë, ishte krim. Edhe ato ndryshimet që ka bërë tani Rama në Kodin Penal duhet parë në cilin nen hyn kjo, vrasje me dashe? Ne i kemi këruar qeverisë që në mesin e shkurtit të mbyllte lëvizjes me Italinë. Kanë ardhur mijëra e mijëra nga zonat e prekura që Italia i cilësonte zona të kuqe, Rama fliste për kalanë që nuk preket nga virusi. Për fat të keq mendoj se kurba bëhet në bunkerin e Surrelit që ka ulje ngritje të çuditshme”, nënvizoi demokrati./ CNA.al





Lajmet e fundit nga