E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Rama, 12 milion dollarë për inceneratorin e Tiranës

24 Prill 2020, 14:10, Politikë CNA

Qeveria shqiptare, pas kontratës koncesionare me kompaninë Integreted Energy BV, e cila ka ndryshuar emrin në Hollandë dhe është bërë Geogenix BV, ka filluar të shlyejë pagesat. Me një kompani fantazmë të regjistruar në guackë, me një bashkëmenaxhim të një tjetër kompanie, drejtoresha e së cilës është një shtetase ruse, e më pas nga lëvizje drejtorësh që fillojnë nga Klodian Zoto, e përfundojnë tek bashkëmenaxhimi me kompaninë e drejtoreshës ruse, qeveria shqiptare ka paguar së fundi, jo pak por 12 milion dollarë.

Në dy këste të derdhura, një në vitin 2018 dhe një në vitin 2019. Ndërkohë janë planifikuar edhe gati 5 milion dollarë edhe për vitin 2020.

Kjo është pagesa e tretë që zbulon CNA.al në lidhje me inceneratorët. Pasi më parë kemi zbuluar rreth 50 milion dollarë të paguara nga qeveria Rama, nga të cilët 28 milion dollarë për inceneratorin e Fierit dhe rreth 22 milion dollarë për inceneratorin e Elbasanit. E ndërsa ky i fundit ka përfunduar, ai i pari është një ngrehinë ku ende nuk ka filluar puna, por prej disa vitesh, kompania koncesionare, sërish e Klodian Zotos, fut paratë në xhep nga taksapaguesit shqiptarë.

Por, historia e inceneratorëve dhe e Klodian Zotos nuk përfundon deri këtu. Ai është bashkëortak me Erion Veliajn, me Bashkinë e Tiranës, nëpërmjet kompanisë Eco Tirana, për të cilën CNA.al ka raportuar dhe mund ta lexoni këtu.

Pra, përveç parave që merr zyrtarisht nga qeveria për koncesionet Klodian Zoto në thesin e kompanive të tij fut edhe para të tjera, nga shfrytëzimi që i bëhet landfillit në Sharrë me tarifat që përdor apo edhe duke pasur të tjera kompani dhe ortakëri, të krijuara edhe me Bashkinë e Tiranës.

CNA.al ka kryer një investigim të plotë, të cilin ne e kemi publikuar me dokumenta dhe tashmë ai po përgatitet të jetë pjesë e një dokumentari dhe po përkthehet për t?u publikuar edhe në mediat e huaja, si pjesë e një investigimi ku Shqipëria dhe qeveria e saj dalin zbuluar me një kompani fantazëm, e krijuar nga Klodian Zoto në Hollandë, e cila më pas iu shit shqiptarëve si një sukses që do të hapte vende të reja pune.

Por, nuk ishte asgjë tjetër, thjeshtë dhe vetëm fshehja e gjurmëve të Klodian Zotos. Një lëvizje për të humbur nga Shqipëria dhe inceneratori i Fierit dhe lidhja me atë të Elbasanit dhe për të treguar se fituesi ishte një kompani e huaj.

Por, në fakt asgjë nuk rezultoi e tillë. CNA.al zbuloi skemën dhe sot kemi zbuluar edhe pagesën prej miliona dollarësh, të bërë në favor të Klodian Zotos nga qeveria shqiptare dhe kryeministri Rama.

Ky është dhe shkaku dhe arsyeja kryesore pse kryeministri nuk mundet dot të pranojë se i ka dhënë 62 milion dollarë të njëjtit person, të njëjtit rrjet kompanish, të cilët marrin paratë nga taksat e shqiptarëve për të ndërtuar inceneratorë, por në të njëjtën kohë mbushin dhe xhepat e tyre, pasi kontratat janë me miliona euro, shumë të fryra dhe të ndërtuara me skema mjaft abuzuese./ CNA.al

Zbulohet ortakëria e Erion Veliajt, me Klodian Zoton e inceneratorëve

Pse Rama ka frikë ta anullojë koncesionin e inceneratorëve në Tiranë?!

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Skandali/ Qeveria 50 milion euro kompanive pa asnjë lek

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Koncesioni 128 milionë euro/ Zbulohen kompanitë në Hollandë me drejtorë Rusë

Koncesioni 128 milion euro/ Plas skandali në Shqipëri, kompania ndryshon emër në Hollandë

Thellohet skandali/ Kompania e konçesionit 128 milionë euro asnjë eksperiencë, filloi në Shqipëri

Skandali/ Koncesionari i 128 milion eurove fsheh ndryshimin e emrit

Thellohet skandali me koncesionin 128 milion euro/ Zbulohen të tjera dokumente

Skandali me inceneratorin e Fierit/ Qeveria pagoi 22.6 miliardë lekë, ende pa u ndërtuar