E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Nga koncesionet, korrupsioni dhe droga/ Shtatë vite bëma e gjëma të Rilindjes dhe e vërteta e hidhur që tregojnë sondazhet

22 Prill 2020, 13:22, Politikë CNA

Në dy ditët e fundit në media po qarkullojnë disa sondazhe, të bëra kryesisht nga vetë partitë politike, por edhe nga analistë dhe persona të cilët janë ekspertë të fushës, siç është rasti i Eduard Zaloshnjës. Dhe mjafton t?i hedhësh një sy këtyre sondazheve për të kuptuar se cili është perceptimi i shqiptarëve në lidhje me politikën në Shqipëri.

Në fakt të gjitha kanë një të përbashkët, që ka një ngritje të kryeministrit Edi Rama dhe të qeverisë, ndoshta pas situatave të tërmetit dhe menaxhimit të emergjencës me Covid-19.

Edhe vetë sondazhet e bëra nga PD-ja, e tregojnë këtë gjë. Ashtu sikundër tregohet edhe një ngritje e Lulzim Bashës.

Ndoshta sjellja e tij pas tërmeti dhe forma që ka zgjedhur për të bërë opozitë duke u sjellë me autoritet dhe si zyrtar, ka bërë që ai të fitojë disa pikë, megjithëse ngelet shumë shumë larg dhe në distancë për të qënë një lider i besueshëm dhe një fitues që mund të shembë Edi Ramën nga karrigeja e kryeministrit.

Por, ajo që bie më shumë në sy dhe ka shumë pikëpyetje është fakti se si ka mundësi që Edi Rama është edhe më i fortë?

Janë shtatë vite skdnale, korrupsion. Shqipëria e mbuluar me drogë, disa ministra të brendshëm të larguar. Korrupsioni, koncesionet, mediat e huaja që kanë shkruar, si rasti i Bild, e të tjera, protestat e opozitës, e kështu me radhë. Deri në ngjarje të dhimbshme për socialisttë siç janë përplasjet e tyre të brendshme, ndarja, klanet brendaa së majtës, ?lufta? e Rilindjes me PS-në, e të tjera si këto, që në fakt duhej ta dobësonin Edi Ramën, por që në fakt çuditërisht ai duket se është dhe më i fortë.

Ka një mbështetje popullore, sipas këtyre sondazheve, që del shumë herë më lart se Lulzim Basha. A thua se shqiptarët pas gjithë bëmave dhe gjëmave të shtatë viteve të Edi Ramës, i cili në pak më shumë se një vit do të ketë zgjedhjet parlamentare, ka një mbështetje popullore shumë të madhe në lidhje me cili duhej të ishte realiteti dhe si do duhej ta perceptonin shqiptarët një njeri i cili kishte drejtuar për tetë vite vendin, me shumë bëma dhe gjëma.

Ku qëndron thelbi?

Tani shqiptarët, ose vuajnë nga sindroma e Stokholmit, pra që duan dënuesin e tyre, se nuk është turp ta themi se kjo është e vërteta, sepse për 45 vite shumica mbështeti dhe qau diktatorin pavarësisht se më pas rënia e Murit të Berlinit solli edhe rënien e sisitemit komunist në Shqipëri. Edi Rama ka qënë një gjysëm diktatori. Një autocrat i cili me forcë në lidhje me shumë çështje në Shqipëri. Ligjet i ka ashpërsuar, dhe Shqipërinë e ka sjellë në një vend më autoritar tek kryeministri sesa ka qënë kurrë më parë, megjithëse simboli mbahej Berisha.

Asnjë nga kryeministrat e vendit nuk ka pasur kaq shumë pushtet, nuk ka qënë kaq i ashpër dhe me këtë lloj ?kërbaçi? në dorë.

Prandaj, pyetja është vetë shqiptarët kanë një problem në lidhje me këtë çështje që sa më fort t?i shkelësh, sa më në rrjesht ti vendosësh, aq më shumë të mbështesin?

Ose nga ana tjetër, pyetja e dytë është: Edi Rama ka ngelur pa rival?

Pra, që Lulzim Basha është formalisht kryetar i PD-së, një njeri i dobët, një fasadë, një kryeopozitar i keqpërdorur nga kryeministri në fakt dhe për t?u pasur mëshirë. I shitur dhe blerë sa herë Edi Rama ka pasur nevojë.

Sot Luli flet e bërtet se ai është gati për bashkëpunime, në situata të tilla të fatkeqësive natyrore apo siç ishte dhe rasti i tërmetit, por del në ekran dhe justifikohet se qeveria po e sulmon.

Bën dhe rolin e qaramanit. Thotë se është Rama që vendos të tijtë dhe mediat ta sulmojnë dhe t?i prishin imazhin. Se Luli shpenzon shumë për imazhin në fakt dhe ky i prishet rrugës nga kryeministri.

Tani dy gjëra janë që lidhen me sondazhet e publikuara, leximin e tyre. Dhe këtu po flasim për sondazhe edhe të PS-së, edhe të ekspertit Zaloshnja, edhe të bëra nga PD-ja. Pra, jo vetëm të njërës palë. Në të gjitha sondazhet, Edi Rama del sipër.

Tani shqiptarët ose vuajnë nga sindroma e Stokholmit, siç e përmendëm më lart, ose kanë një problem thelbësor me Lulzim Bashën, i cili nuk u bë dot kurrë lider opozite për ta dhe Edi Rama fatkeqësisht ka ngelur pa rival./ CNA.al