web counter
LEXO PA REKLAMA!

SHKARKO APP

App Store
Google Play

Austria lehtëson masat, rihapen disa biznese/ Mbetet në fuqi vetëm distancimi social

14 Prill 2020, 07:09, Kosova & Bota CNA

Duke filluar nga sot, Austria nis lehtësimin e masave të izolimit , të cilat ishin ndërmarrë për mbrojtje nga koronavirusi. Mijëra dyqane nën 400 metra katrorë u rihapën, ashtu si edhe dyqanet e pajisjeve të rënda.

Megjithatë, distancimi fizik mbetet në fuqi, ndërsa njerëzit udhëzohen të qëndrojnë në shtëpi sa më shumë që ta kenë të mundur. Austria ka qenë në mesin e vendeve të para evropiane që ka ndërmarrë masa të izolimit rreth një muaj më parë, shkruan Rel.
Autoritetet atje kanë raportuar deri më tani për 14,000 të infektuar me koronavirus dhe 368 të vdekur. Qeveria austriake ka thënë javën e kaluar se ka arriturr ta rrafshojë kurbën e infektimeve të reja.

Lehtësimin e izolimit e ka nisur edhe Spanja, duke i lejuar disa qytetarë të kthehen në punë, ndërsa Danimarka i ka rihapur shkollat për fëmijët e vegjël. Italia, vendi më i goditur i Evropës, me më shumë se 20,000 viktima nga koronavirusi do t?i lejojë disa firma të rifillojnë punën nga sot.
Megjithatë, presidenti i Francës, Emmanuel Macron, e ka zgjatur zgjatur izolimin atje deri më 11 maj. Në dalje televizive të hënën, Macron ka thënë se kufizimet aktuale e kanë ngadalësuar virusin, por nuk e kanë mundur atë./CNA.al





Lajmet e fundit nga