web counter
LEXO PA REKLAMA!

SHKARKO APP

App Store
Google Play

Masat ndaj koronavirusit në Kosovë/ Albin Kurti: Nga sot vendimet i merr ministria e Shëndetësisë

12 Prill 2020, 19:08, Kosova & Bota CNA

“Nga sot vendimet i merr ministria e Shëndetësisë”. Kështu ka deklaruar kryeministri në detyrë i Kosovës Albin Kurti gjatë një konference për shtyp me ministrin në detyrë të Shëndetësisë, Arben Vitia.

Kurti foli për vendimin e gjykatës lidhur me lëvizjen e qytetarëve dhe theksoi se kanë kohë deri nesër për të rishikuar masën.

“Këto masa na kanë kushtuar pak. E dini vendimi i Gjykatës Kushtetuese na ka lënë kohë që deri nesër të shikojmë edhe një herë masën e marrë. Gjykata asnjëherë nuk e ka kontestuar vendimin në tërësi, por ka thënë se vendimi duhet të merret vetëm nga ministria e Shëndetësisë dhe jo për të gjithë territorin e Kosovës. Nga sot vendimet i merr ministria e Shëndetësisë. Ato merren për komuna të caktuara me rekomandime që vijnë nga IKSHPK. Covid është një virus që po vret. Sfida është e madhe, ashtu kur i shtohet edhe fakti se kemi një sistem të shëndetësisë që lë për të dëshiruar. Kemi përballuar sfida të shumta, do të dalim edhe nga kjo sfidë e më të fortë e më të kujdesshëm se kurrë më parë”, u shpreh ai./ CNA.al





Lajmet e fundit nga