web counter
LEXO PA REKLAMA!

SHKARKO APP

10 mijë raste me koronavirus dhe 100 viktima/ Izraeli ashpërson masat

12 Prill 2020, 11:54, Kosova & Bota CNA

Qeveria izraelite ka miratuar masa më të ashpra të karantinës në disa pjesë të Jerusalemit, përfshirë edhe pjesën historike të Qytetit të Vjetër, në përpjekje për të ndaluar përhapjen e mëtejmë të koronavirusit në këtë qytet.

Komiteti i ministrave miratoi ndalimin e qarkullimit në disa zona ultra-ortodokse të qytetit për ta ndaluar përhapjen e mëtejme të sëmundjes COVID-19, që shkaktohet nga koronavirusi, raporton AP.

Masat e ndërmarra hyjnë në fuqi mesditën e së dielës. Qytetarët nuk do të mund të lëvizin pa pasur leje të posaçme. Lëvizja do të lejohet vetëm për punë të domosdoshme dhe për kujdes shëndetësor.

Ministria e Shëndetësisë së Izraelit ka thënë se janë mbi 10 mijë raste me koronavirus, ndërsa mbi 100 pacientë kanë vdekur.





Lajmet e fundit nga