web counter
LEXO PA REKLAMA!

SHKARKO APP

App Store
Google Play

Propozimi për 5-15 vite burg për shkelësit e karantinës/ Kundërshton Saimir Vishaj

9 Prill 2020, 17:43, Politikë CNA

Avokati Saimir Vishaj ka reaguar lidhur me propozimin e socialistëve për të dënuar me 5-15 vite burg qytetarët që shkaktojnë vdekjen e një personi nga koronavirusi për shkak të shkeljes së urdhrit të karantinës.

Vishaj ka dalë kundër këtij propozimi, pasi thotë se në ligjet e kushtetutës nuk mund të bëhen ndërhyrje emocionale që nuk i rezistojnë kohës.

?Nuk e përkrah këtë ide. Që prej vitit 1995 mund të ketë mbi 200-250 ndërhyrje në Kodin Penal. Kodi Penal nuk është një libër, është ligj në bazë të Kushtetutës. Kushtetuta e ka përcaktuar qartë se kur kufizohet liria. Është e parashikuar dhe për rastet e përhapjes së sëmundueve infektive, nuk mund të bëjmë ndërhyrje emocionale që nuk i rezistojnë kohës?, u shpreh ai në një lidhje me Euronews Albania.

Sipas tij, ky propozim bie në kundërshtim edhe me urdhrat e ministres së Drejtësisë Etilda gjonajt, e cila i ka kërkuar gjykatave të kenë kujdes me masat “arrest me burg”.

?Nga një anë është urdhri i ministres së Drejtësisë që orienton gjykatat që të kenë kujdes me masat ?arrest me burg? dhe nga ana tjetër zbrazja e burgjeve dhe nga ana tjetër kërkojmë të dënojmë ata që thyejnë karantinën. Kjo është t?i vëmë bombën burgjeve, janë në dhoma nga 2 deri në 8 persona. Mund të shkojnë persona të moshuar të cilët në mënyrë të vetëdijshme thyejnë rregullat?, nënvizoi avokati./ CNA.al





Lajmet e fundit nga