web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në Kodin Penal/ Pollo: Qeveria po humbet mendjen e toruan

9 Prill 2020, 18:00, Politikë CNA

Propozimi për të dënuar me 5 deri në 15 vite burg shkelësit e karantinës që shkaktojnë humbjen e një jete nga koronavirusi, nuk është pritur aspak mirë.

Lidhur me këtë ka reaguar edhe ish-deputeti i Partisë Demokratike Genc Pollo, i cili deklaron se këtë burgim nuk e ka as Kina Popullore.

Sipas tij, kjo tregon se kryeministri Edi Rama po humbet mendjen e toruan, ndërsa gjithë shoqëria përballet me sfidën shëndetësore dhe social-ekonomike të epidemisë Covid-19.

“Qeveria Rama njofton se do të ashpërsojë, madje në disa raste trefishojë, dënimet penale për shkelësit e karantinës; madje dënimet me burg do t?i bëjë edhe më të rënda se në Kinën Popullore. Ndërkohë që tek ne, nga fillimi i marsit e deri sot, qytetarët kanë reaguar me përgjegjësi ndaj apelit publik për distancim social, kufizim të daljes në rrugë e të aktivitetit publik. Për më tepër apeli publik është mbështetur njëzëri nga politikanë të mazhorancës e të opozitës, autoritete shëndetësore dhe personalitete publike. Edhe kur tek tuk janë shkelur rregullat, ligji në fuqi ofron masa shtrëngimi e dënime të bollshme. Nuk raportohet që policia t?i ketë përdorur gjerësisht ato masa; aq më pak rezulton se qenkan tepër të buta e të pamjaftueshme. Sa për ligj e rregull po të flasim për ndëshkim penal, duhet të fillojmë me ata që urdhëruan bllokimin e dhjetëra qytetarëve shqiptarë për tre netë në kufi, duke shkelur me katër këmbë ligjet, kushtetutën e konventat europiane”, shkruan ai në rrjetet sociale./ CNA.al





Lajmet e fundit nga