web counter
LEXO PA REKLAMA!

SHKARKO APP

App Store
Google Play

Lleshaj "dhëmbë për dhëmbë" me Ademin/ "Justifiko pagën, bëj punën tënde pa humbur kohë"

6 Prill 2020, 17:18, Politikë CNA

Kryebashkiakja e Shkodrës në detyrë Voltana Ademi ka hedhur akuza ndaj qeverisë për rritjen e numrit të të prekurve në qytetin që ajo drejtom.

Ademi tha se kryeministri Edi Rama përmes ministrit të Brendshëm Sandër Lleshaj po mundohet të fshehë dështimin në përballimin e krizës shëndetësore.

Pas kësaj ka ardhur edhe reagimi i Lleshajt, i cili thotë demokrates se duhet të justifikojë pagën që merr dhe i kërkon asaj të zbatojë detyrën e kryetares.

“Kryebashkiakja e Shkodrës e lexoi jo pa vështirësi një deklaratë të panevojshme, për të shitur si politike, paaftësinë e saj për të bërë disa detyra bazike në shërbim të qytetarëve të saj. Shkodra sot nuk ka nevojë për politikë, por për pastërti dhe qytetari nga të gjithë. Pazaret skandaloze, që ngjajnë me ato të Kandaharit, nuk i bëjnë as nder dhe as dobi kryeqendrës sonë të Veriut. Eleminimi i tyre kërkon vetëm pak vullnet, por në radhë të parë sy për të parë.

Edhe pse pa mandat, kryetarja e harruar në zyrë duhet të justifikojë të paktën pagën që megjithatë merr. Situata në Shkodër është ulëritëse dhe qytetarët shkodranë janë frikshëm të ekspozuar ndaj rrezikut të epidemisë. Zonja Ademi të dalë dhe të heqë lakrat, barishtet e plehrat gjithfarë që kanë zënë rrugët e trotuaret.

COVID-19 është sfida e përbashkët dhe rrugët e këtij armiku të padukshëm duhet të bllokohen edhe në Shkodër, ku dorëzimi i papranueshëm i pushtetit vendor duket alarmant! Ne duam bashkëpunim dhe bashkëveprim. Ju lutem zonja Ademi mos humbni kohë me llafazanërira politike, por bëni punën tuaj dhe na thoni si mund t’ju ndihmojmë më shumë!”, shkruan ministri, ndërsa ka publikuar një video nga inspektimet e sotme të tij në Shkodër./ CNA.al

?Shkodra bombë me sahat?/ Ademi i përgjigjet Ramës: Dështove në menaxhimin e situatës





Lajmet e fundit nga