web counter
LEXO PA REKLAMA!

SHKARKO APP

App Store
Google Play

E fundit!

x

Mjeku shqiptar në Itali këshilla kolegëve/ "Kini kujdes, zbatoni me përpikmëri protokollet"

1 Prill 2020, 19:59, Aktualitet CNA

Mjeku shqiptar në Itali Alban Beltoja, ka folur për dërgimin e stafit mjekësor nga Sgqipëria në shtetin fqinj.

Ai tha se 10 mjekët dhe 20 infermierët u pritën me shumë entuziazëm. Beltoja tha se ata do të marrin edhe një eksperiencë në Itali dhe kur të kthehen në vendin tonë do të jenë në front të luftës.

“U prit shumë mirë, pati një entuziazëm të madh, të paparë mes kolegëve të mi. Kuptohet, ardhja e tyre në atë skenar aq të vështirë, është një shenjë e rëndësishme solidariteti, është një shenjë e një miqësie mes dy popujve. Ka pasur shumë impakt pozitiv në shoqërinë italiane. Mjekët që kanë ardhur në Itali do të mund të marrin një eksperiencë shumë të mirë me atë që po ndodh këtu, dhe ta shohin situatën nga afër, e më pas tu tregojnë kolegëve në Shqipëri”, u shpreh Beltoja.

Mjeku dha edhe një këshillë për kolegët, të cilët po përballen me këtë virus të ri dhe të panjohur.

“Një këshillë për mjekët, në punën tonë të përditshme me këtë sëmundje, duhet të kenë kujdes, të përdorin mjetet e mbrojtjes, të zbatojnë me përpikmëri protokollet e mbrojtjes, pasi një mjek e infermier është shumë i vlefshëm, nëse ata do të preken, shumë pacientë nuk do të marrin shërbimin e duhur”, nënvizoi ai./ CNA.al





Lajmet e fundit nga