Haberet e Mitros/ Mu dogj nekrologjia?!

1 Prill 2020, 12:40, Aktualitet CNA

Zilja e telefonit. Ishte Bledka:

-Alo Fundo si je mo?

-Si kokra e mollës, çfarë ka bërë vaki?

-Më mori një shok nga Korça. Më tha: ka vdekur nga COvid 19 ai gazetari. E saktë se ma thanë të brendshëm. U shqetësova edhe pse kishim folur mbrë bashkë!Hapa pashë dhe postimet në FB. Mu bë një si lëmsh.

-Ha ha ha! Perlë! Do bëj një shkrim. Pastaj u mendova, ketë punë e qan vetëm shoku Mitro. I rashë telefonit:

-Alo…Shoku Mitro! Përdore si lëndë të parë për një haber!

-Por akti duhet të çohet deri në fund!

-Domethënë të ngordh?

-Fjalë e hata!Vdekja jote do jetë heroike!

-Pa ta dëgjoj?

-Nuk do çash barkun me thikë, si japonezët kur bëjnë harakiri. Për varje ka probleme. Nuk gjen litar. Nuk ka sapun si i Rrogozhinës. Nuk gjej vend ku të hedhësh litarin! Me kobure? Ku ta gjesh në Gjermani?!

-Kam këtë skenar. Një laborator në Gjermani ka prodhuar në rrugë eksperimentale vaksinën…Duhen njerëz të provojnë. Shkon ti dhe vë trupin tënd prej demokrati në shërbim të njerëzimit. ( Përkon edhe me mesazhin për vdekjen). Haberin ia dërgojnë Merkel. Ajo ia poston Ramës. Kryeministri e ?derdh? në FB :

-Një djalë nga Korça, nip i Zoi Fundos, hëngri shiringë bythës për të shpëtuar, botën! Ja këta janë shqiptarët që qeveris unë?

FB-në e lexon Basha. Thërret konferencë shtypi:

-I them Ramës! Hiq duart nga Fundo! Ai ka qënë dhe do të jetë frymëzim për demokratët!

-Fundo! Qafën dhe kokën e mesazhit e ka ngrënë interneti. Ma dërgo nga Purgatori. Me mëkatet që ke bërë, nuk ka vend për ty as në parajsë, e as në ferr?!

-Shoku Mitro! Nuk më pëlqen të skartoj veten, që të bësh ti një nekrologji!

-Mos Fundo! Më befasove. Pas Koço Devoles, je i dyti që po ma djeg nekrologjinë!

-Pse më llogarit mua që jam 43 vjeç, me Koçon që po kullot 76 pranvera? Po si ndodhi me Koçon?

-Katër vite më parë Koçoja përfundoi në thikën e Mond Çelikut. Pastaj në reanimacion. Ndihmësi doktorit i telefonon Filipit:

-Koçoja nuk ia doli..

Shkuam në spital. Koçoja në gjysëm kllapi:

-Filip! Po vdes. Amanet Mitron Pas meje ai e ka radhën. Iku ai, vjen radha jote.

-Vdis pa qeder! Shpenzimet e varrimit. Drekën. Autobuzët. I paguan Fiksi…

-Po të 40-tat, kush i paguan – Tha Koço dhe ra në koma.-

Rrugës më thotë Filipi:

-Bën nje nekrologji. Po i them edhe Mero Bazes. Të kemi mundësi të zgjedhim…Fitoi varjanti im.

Ditën e tretë na ftoi për kafe Mond Çeliku.