web counter
LEXO PA REKLAMA!

SHKARKO APP

App Store
Google Play

E fundit!

x

Zv.ministrja e Ekonomisë tregon kategoritë/ Kush përfiton paga minimale

31 Mars 2020, 15:14, Aktualitet CNA

Zëvendës-ministrja e Ekonomisë dhe Financave Vasilika Vjero, ka treguar kategoritë që do të përfitojnë pagën minimale në kuadër të paketës së qeverisë për situatën e krijuar nga COVID-19.
Ajo tregoi se paga minimale prej26.000 lekësh do të përfitohet nga 13.000 taksapaguesdhe rreth 60.000 të punësuar.
?Janë rreth 13 000 taksapagues që do të përfitojnë nga kjo paketë. Nuk do të përfitojnë vetëm kompanitë, por edhe të punësuarit e tyre në mënyrë të drejtpërdrejtë. Këta mund të jenë të vetëpunësuar, me punëmarrës, punonjës të papaguar të familjes që nuk marrin pagë por kontribuojnë në biznesin familjar. Janë rreth 60 000 të punësuar të cilët do të kenë mundësi duke filluar qysh nga muaji prill, maj dhe qershor të cilët do të marrin pagën minimale 26 000 lekë. Kjo ndihmë është e fokusuar në ata tatim pagues të cilët i përkasin fashës së qarkullimit 0-14 mln lekë. Sigurisht kjo fashë është më e prekura, të cilët kanë një biznes të vogël dhe janë të lidhur me pagesat e dhe likuiditetin ditor.
Me anë të një VKM-je është përcaktuar se do të jetë Drejtoria e Tatimeve që do të merret me këtë proces, ku tatimpaguesit duhet të bëjnë një kërkesë në mënyrë elektronike Drejtorisë së Tatimeve. Sistemi ynë i deklaratave dhe pagesave është i gjithë online, prandaj nuk do të ketë asnjë vështirësi dhe pengesë për të prezantuar kërkesën e tyre. Kërkesa e tyre duhet të përmbajë jo vetëm të dhënat për biznesin e tyre, por edhe për punonjësit e tyre, të dhënat e tyre të identifikimit dhe llogaritë e tyre bankare, ku do të derdhet shuma”, deklaroi ajo në një lidhje me Ora News./ CNA.al





Lajmet e fundit nga