web counter
LEXO PA REKLAMA!

SHKARKO APP

App Store
Google Play

Tare tregon si do riatdhesohen shqiptarët/ “Nisja është projektuar nga këto aeroporte”

30 Mars 2020, 21:46, Aktualitet CNA

Zëvendës ministri i Jashtëm Agron Tare ka treguar se si do të riatdhesohen shqiptarët që kanë mbetur në shtete të ndryshme të botës.

Ai tha se për momentin do të riatdhesohen vetëm qytetarët që kanë nevojë ekstreme, pas theksoi se shumë qytetarë nuk e kanë të domosdoshme të kthehen, por janë përfshirë në vorbullën e situatës. Ai tregoi edhe vendet nga ku janë projektuar të kthehen shqiptarët në vendin tonë.

?Për momentin nuk kemi një shifër, mund të jenë rreth 1100 shqiptarë. Ne kemi bërë një plan e riatëdhesimin, bëhet fjalë në Lion, Gjenevë, Frankfurt dhe në Londër. Meqë pjesa e madhe e shqiptarëve ndodhet në këto vende, zgjodhëm aeroportin e Lionit, ku u mblodhën qytetarët nga Spanja dhe Franca. Në Gjermani kemi marrë qytetarë nga Austria, Belgjika, Çekia dhe Polonia. Në Londër sepse janë shumë studente dhe në Romë janë një komunitet shumë i madh i qytetarëve shqiptare?, u shpreh zv.ministri.

Më tej ai deklaroi se në momentin kur përpilohet një listë, atëherë organizohet edhe riatdhesimi.

?Çdo detaj operacional është i mirëmenduar. Konsullata në Milano, konsullata në Bari dhe ambasada në Romë janë në kontakt me qytetarët. Në momentin që ne i kemi në listën e riatdhesimit iu çohet një leje që i tregohet policisë dhe lejohen. Ne marrim vetëm shtetasit që janë ekstremisht në nevojë, sepse po riatdhesuan të gjithë shqiptarët që janë jashtë Shqipërisë shkon në kolaps gjendja në Shqipëri?, nënvizoi Tare./ CNA.al





Lajmet e fundit nga