web counter
LEXO PA REKLAMA!

SHKARKO APP

App Store
Google Play

E fundit!

x

Top Channel në krizë/ Ben Blushi konfirmon CNA.al, shkurtime stafi dhe emisionesh  

30 Mars 2020, 14:40, Aktualitet CNA

Disa ditë më parë, në datën 23 mars 2020, CNA.al raportoi në lidhje me situatën në Top Channel.

Në shkrimin të cilin mund ta lexoni këtu, CNA.al paralajmëroi se Televizoni kombëtar Top Channel po mbyll një pjesë të madhe të emisioneve më të ndjekura, përfshirë këtu edhe ?Portokalli?.

Siç duket paralajmërimi për mbylljen e programeve po vjen nga një sondazh online në faqen zyrtare të Top Channel ku pyetet se çfarë dëshirojnë të shohin më shumë shikuesit.

Deri tani në rezultatet e sondazhit, njerëzit preferojnë filma të cilët kanë marrë 49.19% të votave, dhe lënë kështu në vijë të dytë emisionet me 20.14% të votave.

Po ashtu në këtë shkrim CNA.al paralajmëronte se me mbylljen e emisioneve, Top Channel pritet të ketë edhe shkurtime drastike të punonjësve.

Por, populli thotë se ?ku ka tym, ka zjarr? dhe ajo çfarë ne kemi raportuar, duket të jetë e vërtetë dhe është konfirmuar tashmë edhe nga drejtori i këtij televizioni Ben Blushi.

Ben Blushi, drejtor i Përgjithshëm i Top Channel, në një prononcim për BIRN është shprehur se për shkak të regjimit të detyruar të karantinës, shumica e stafit prej 500 punonjësish janë duke punuar nga shtëpia, ndërsa një pjesë punojnë me orar të kufizuar.

?Një numër i domosdoshëm, por shumë i vogël teknikësh, inxhinierësh, grafistësh dhe montazhierësh punojnë me orare të reduktuara dhe në ambiente të dezinfektuara, sepse qëllimi kryesor në këto momente është mbrojtja e tyre dhe e familjeve të tyre,? tha Blushi.

Po ashtu, Birn thotë se Top Channel u detyrua të mbyllte përkohësisht një seri programesh, mes të cilave edhe programin historik të humorit ?Portokalli?. Emisionet që vazhdojnë transmetimin i janë përshtatur regjimit të ri, duke realizuar intervista në distancë përmes Skype./ CNA.al

Top Channel mbyll emisionet më të ndjekura/ Priten shkurtime stafi e ulje pagash





Lajmet e fundit nga