web counter
LEXO PA REKLAMA!

SHKARKO APP

App Store
Google Play

E fundit!

x

SHBA akuzon për trafik droge presidentin e Venezuelës/ 15 mln $ për arrestimin e tij

26 Mars 2020, 16:23, Kosova & Bota CNA

Shtetet e Bashkuara të Amerikës kanë akuzuar presidentin e Venezuelës, Nicolas Maduro dhe zyrtarë tjerë të lartë shtetërorë për vepra penale që lidhen me trafikim të drogës.

SHBA po ashtu kanë ofruar 15 milionë dollarë shpërblim për të gjithë ata që ofrojnë informacione që mund të kontribuojnë në arrestimin e Maduros.

Sipas ?Reuters?, Maduro, një lider socialist i cili tashmë përballet me sanksione amerikane ka qenë shënjestra e një fushate presioni amerikan që synon ta mënjanojë atë nga pushteti.

Aktakuza, një veprim i rrallë amerikan kundër një kreut të një shtëti të huaj shënon një përshkallëzim serioz dhe ndodh në një kohë kur disa zyrtarë të SHBA kanë thënë privatisht se Presidenti Donald Trump është më shumë i irrituar me politikën e tij në Venezuelë. Ai është akuzuar prej kohësh se po udhëheq një regjim të korruptuar dhe brutal, një akuzë të cilën Maduro e ka hedhur poshtë vazhdimisht.

Uashingtoni mbështet liderin e opozitës Juan Guaidó, i cili e shpalli veten president i përkohshëm në vitin e kaluar, por Maduro ka mbetur në pushtet, i mbështetur nga ushtria e tij si dhe i përkrahur nga  Rusia, Kina dhe Kuba.

Maduro është akuzuar gjithmonë se ai ka përdorur të ardhurat e trafikut të drogës për të siguruar të ardhurat e humbura nga sektori i naftës, i vënë nën sanksione të rënda amerikane.

“Populli Venezuelas meriton një qeveri transparente, të përgjegjshme dhe përfaqësuese që plotëson nevojat e popullatës – dhe që nuk angazhohet në trafik ilegal të drogës,” tha Departamenti Amerikan i Shtetit.

“Këta njerëz kanë shkelur besimin e publikut duke lehtësuar dërgesat e lëndëve narkotike nga Venezuela, për të cilën kanë përdorur edhe aeroplanë që niseshin nga një bazë ajrore e Venezuelës” ? thuhet në deklaratën e Departamentit.





Lajmet e fundit nga